रौतहट, २० साउन । छोरा नजन्माएको झोकमा पाँच बर्ष अघि विहे गरेर घर भित्रयाएको गर्भवती महिलालाई घरका सदस्यहरु चरम यातना दिई हत्या गरेको रहस्य सार्वजनिक भएको छ ।
वारा जिल्लाको पचरौता नगरपालिका वडा नम्वर ९ कुडवा गाउँका हरेन्द्र प्रसाद साहको २१ बर्षिय छोरी पुनम साहको विगत ५ बर्ष अघि रौतहटको मौलापुर नगरपालिका ७ सगैया गाउँको सियाराम साहको छोरा रविन्द्र साह संग मागी विवाह समाजिक परमपरा अनुसार भएको थियो ।
पुनमको विहे भएको ३ बर्ष पछि पहिलो गर्भवती हुँदा उनको श्रीमान सहित ससुराली पक्षका सासु र ससुराहरु गर्भमा रहेका भ्रुण परिक्षण गराउन लगाई छोरी रहेको थाहा पाएपछि गर्भपतन गराउन दवाव दिए तर बुहारी पुनमले मानिन । पुनमलाई विभिन्न डरत्रास देखाएर गर्भपतन गराइयो । पुनम पुन ः दाश्रो पटक गर्भवती भएपछि खुशी हुँदै श्रीमान रविन्द्रलाई आफू गर्भवती भएको बताइन । श्रीमान सहितको परिवारको सदस्यहरु अल्ट्रासाउण्ड गराएपछि पुन ः गर्भमा छोरी रहेको चिकित्सकले भन्दा गर्भ तुहाउन दवाव दिएपनि पुनमले मानिन । गर्भ तुहाउन अश्विकार गरेपछि साउन १५ गते विहान ८ देखि १० बजेको समयमा पुनमलाई यातना दिई लछापछार गर्दै सामुहिक रुपमा पासो लगाएर हत्या गरिदिएको मृतकको दाजु पनालाल साहले गम्भीर आरोप लगाए ।
गर्भवती महिलालाई चरम यातना दिएर हत्या गर्ने लाई कारवाहीको डायरामा ल्याउनु पर्छ, बहिनीलाई निर्ममतापूर्वक हत्या गरेको छ तर पिडक राजनीतिक संरक्षणमा उम्कीरहेको छ, हामी जस्ता पिडितहरु कसरी न्याय पाउने हो ? मृतकको दाजु पनालाल साहले सम्बन्धित निकाय समक्ष प्रश्न तेश्रयाएको छ ।
मृतक महिलाको दाजु साहले गौरमा रिपोटर्स क्लवमा गरेको पत्रकार सम्मेलनमा बहिनी माथि उसको श्रीमान सहित सासु र ससुराले गरेको मानव संवेदनशिलताको चरम यातना पार गर्दै गरेको कुकृत्यलाई राजनीतिक आडमा पिडकहरुलाई समात्न प्रहरी नसकेको हुँदा बाँध्य भई संचारकर्मीहरुको मार्फत सम्बन्धित निकायको ध्यानकर्षण गराउन चाहेको बताए ।
बहिनीको हत्या गरेको १० घण्टा पछि हामीलाई खवर गरेको हेर्न जाँदा बहिनी पुनम समक्ष हामीलाई प्रहरी र ससुराली पक्षका व्यक्तिहरुले जान दिएनन । मेरो बहिनी आफै पासो लगाएर आत्महत्या गरेको भन्दै चिकित्सकलाई समेत प्रलोभनमा पारेको गम्भीर आरोप लगाउदै साहले हामीलाई बहिनीको शव पोष्टमार्टम पछि समेत हेर्न दिएन ।
हत्या भएको पाँच दिन वितिसक्दा पनि न्यायको लागि जिल्ला प्रहरी कार्यालय गौरमा धाउदा जाहेरी समेत नलिएको दुखेसो संचारकर्मी समक्ष पोखे । राजनीतिक पहुँचको आधारमा पिडक पक्षले हत्यालाई आत्महत्या बनाइरहेको र त्यसलाई जिल्ला प्रहरी कार्यालय रौतहटले ढाकछोप गर्दै पिडकलाई उम्काउने दाउमा रहेको मृतकको दाजु पनालाल साहले प्रहरी माथि गम्भीर आरोप लगाए ।
यस विषयमा दुई दिन अघि जिल्ला प्रहरी कार्यालय रौतहटको कार्यभार सम्हालेका एसपी विरबहादुर बुढा मगरले म आउनु अघि मौलापुरमा महिलाको मृत्यु भएको छ, पोष्टमार्टम रिपोर्टमा पासो लगाएर आत्महत्या गरेको देखाएको छ तै पनि हामी गम्भीर भएर अनुसन्धान गरिरहेका छौं, अनुसन्धान गर्दा अलि ढिलो हुन सक्छ तर निर्दोषलाई फसाउनु हुन्न भने मेरो मान्यता रहेको उनले बताए । श्रीमानद्धारा आत्महत्या गर्न उस्काएको हुन सक्छ तर सबै आशंकित पक्षलाई मध्यनजर राख्दै हामी सुक्ष्म अनुसन्धान गरिरहेको हुँदा अहिले नै हत्या हो कि आत्महत्या हो भन्न नसकिने बताए । पिडित पक्षले कत्तव्र्य ज्यानको मुद्दा दर्ता गर्न दवाव दिइरहेको तर अनुसन्धानबाट वास्तविक्ता फरक पर्यो भने अनाहकमा निर्दोष फस्ने छन् । म आफै अनुसन्धान गरिरहेको हँुदा धर्य एवं विश्वास राख्न उनले आग्रह गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन