काठमाडौ, २६ साउन । “आइएमई पे” ले चन्द्रागिरी नगरपालिकामा विद्युतिय कर भुक्तानी सेवाको शुभारम्भ गरेको छ ।
आइएमई ग्रुप पानी पोखरी काठमाडौंद्धारा जारी गरिएको विज्ञप्तीका अनुसार, चन्द्रागिरी नगरपालिकाको नगर प्रमुख घनश्याम गिरीले आईतवार “आइएमई पे” एपको प्रयोग गरेर विद्युतीय कर भुक्तानी सेवाको उदघाटन गरेको हो ।
विद्युतीय सेवा मार्फत चन्द्रागिरीका नगरवासीहरुले घर बहाल कर, सम्पत्ति कर तथा व्यवसायिक कर घरमै बसेर विना झण्झट सजिलै संग अनलाईनमा “आइएमई पे” एप मार्फत तिर्न सक्नेछन् ।
शुभारम्भ कार्यक्रमलाई सम्बोधन गर्दै आइएमई डिजिटल सोलुशनका निमित्त प्रमुख कार्यकारी अधिकृत आमोद भट्टराईले स्थानीय तहको सरकार सँग समन्वयमा डिजीटाइजेशनलाई प्रवद्र्घन गर्न पाउदा आफु र आफु सम्बद्ध कम्पनीका लागि एक उपलब्धि भएको विश्वास व्यक्त गरे । नगरबासीहरुलाई राजस्व कर तिर्न अझै सहज हुने बताउँदै अधिकृत भट्टराइले आगामी दिनमा चन्द्रागिरी नगरपालिका सँगको सहकार्य अझै बढ्दै जाने विश्वास व्यक्त गरे ।
प्रयोगकर्ताहरुले आइएमई पे एपको होम पेजमा रहेको “गभरमेन्ट” मा गइ “लोकल गभरमेन्ट” रोजी “चन्द्रागिरी नगरपालिका” मार्फत आफ्नो कर तिर्न सक्ने व्यवस्थापन गरिएको प्रेषित विज्ञप्तीमा उल्लेख गरिएको छ ।
आइएमई डिजिटल सोलुसन लिमिटेडका बारेमा ः–
झन्डै ३५ हजार एजेण्ट आउटलेट संजाल भएको “आइएमई पे” आइएमई ग्रुप अन्तर्गतको डिजिटल वित्तीय सेवाप्रदायक उत्पादनहो । नेपाल राष्ट्र बैंकको भुक्तानी तथा फर्छ्यौट विनियमावली–२०७२ बमोजिम आइएमई डिजिटलले दूरसञ्चार सञ्जालको माध्यमबाट मोबाइल वालेट सेवाप्रदान गर्ने अनुमति प्राप्त गरेको हो । यस्तो अनुमति पाउने आइएमई डिजिटल देशकै पहिलो भुक्तानी सेवा प्रदायक कम्पनी हो ।
आइएमई डिजिटलले “आइएमई पे” ब्रान्ड अन्तर्गत मोबाइल वालेट सेवा उपलब्ध गराउनेछ र यसको मद्दतबाट सेवाग्राही आफैले अथवा एजेन्टहरूको सहयोग लिएर मोबाइल मार्फत् विभिन्न किसिमका भुक्तानी सम्बन्धी कार्य गर्न सक्नेछन् । यसले व्यक्ति–व्यक्तिका बीचमा हुने सामान्य रकम ट्रान्सफर गर्ने सुविधादेखि लिएर विभिन्न अनलाइन तथा स्थलगत स्टोरहरूमा क्यु आर ९त्तच्० मार्फत भुक्तानी गर्ने, मोबाइल रिचार्ज गर्ने र विभिन्न घरयासी तथा कार्यालयका बीलहरू भुक्तानीमा सेवा प्रदान गर्दै आइरहेको छ । आइएमई डिजिटलले बैंकको सुविधाबाट वञ्चित तथा न्यून बैंकिङ्ग सुविधा प्राप्त नेपाली लगायत सम्पूर्ण सर्वसाधारण जनतालाई वित्तीय सेवाहरूको पहुँच उपलब्ध गराएर नेपालको वित्तीय समावेशीकरणमा योगदान पु¥याउने लक्ष्य लिएको छ । मोबाइल वालेटमा ब्याज र क्यास ब्याकको पनि सुविधा उपलब्ध छ । विभिन्न प्रकारका वील भुक्तानी एवम् जुनसुकै बैंकका खातामा रकम पठाउन मिल्ने आइएमई पे वालेटको अर्को महत्वपूर्ण विशेषता रहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन