गरुडा(रौतहट), १६ भदौं । ग्रामिण विकास केन्द्र (आरडीसी) नेपालद्धारा रौतहटको गरुडा नगरपाकिलामा संचालित पोषण तथा उत्थानशील जिविकोपार्जन परियोजना अन्तर्गत आत्मनिर्भर बनाउने विभिन्न तालिमको विहिवार सम्पन्न भएको छ ।
गरुडा नगरपालिका वडा नम्वर ९ रघुनाथपुर गम्हरियामा आरडीसी नेपालद्धारा संचालित उक्त कार्यक्रम अन्तर्गत सिलाई कटाई र चुरी लहठी तालिममा सहभागीहरुलाई नगरप्रमुख कन्थमणी प्रसाद जयसवालले प्रमाण पत्र वितरण गर्दै तालिमलाई पूर्ण रुपमा सदुपयोग गरेर आत्मनिर्भर बन्न शुभकामना दिए ।
पोषण तथा उत्थानशील जिविकोपार्जन परियोजना अन्तर्गत ३९० घण्टे सिलाई कटाई र चुरी लहठी तालिमको समापन कार्यक्रमलाई सम्बोधन गर्दै नगरप्रमुख जयसवालले घरको कामकाज गरेर त्यसै बस्नुपरेको महिलाहरुलाई यस्ता सिपको माध्यमबाट आत्मनिर्भर बन्न धेरै मद्दत हुने भएको हुँदा तालिममा प्राप्त गरेका सीपलाई व्यवहारमा उतारेमा मात्रै आत्मनिर्भर बन्न सक्ने भएको हुँदा तालिमको उद्देश्यलाई सफल बनाउन तपाईहरु मेहनेत गरेमा मात्रै सम्भब रहेको स्पष्ट पारे ।
आरडीसी नेपालकी कार्यक्रम संयोजक ममता झाको सभापतित्वमा उक्त कार्यक्रम सम्पन्न भएका थिए ।
उनले महिलाहरुको विकास र उन्नतीका लागि घरायसी उद्यमशिलता तालिम र अनेकन महिला केन्द्रित तालिममा नगरपालिकाले समन्वय गर्ने समेत जनाए । आरडीसी नेपालले सिलाई सिकेका महिलाहरुलाई २० थान सिलाई कटाई मेसिन र १० थान चुरा बनाउने औजार बितरण गरिएको आरडीसी नेपालले जनाएको छ ।




बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन