साउदी अरब लागुऔषधको लागि हटस्पोर्ट बन्द गएको छ । गत अप्रिलमा एक भयानक लागुऔषध–प्रेरित हत्याको खबरले साउदी अरब तरङ्गित भयो । देशको पूर्वी प्रान्तमा एक व्यक्तिले रमजानको उपवास समाप्त भएपछि खाइने इफ्तारअघि आफ्नो परिवारको घरमा आगो लगाइदिए । उनको परिवारका चार सदस्य मारिए ।
स्थानीय मिडियाले प्रहरीलाई उदृत गर्दै लेखेअनुसार ती व्यक्ति साबु नामक मेथाम्फेटामाइन ड्रग्सको प्रभावमा थिए । साउदी मिडियामा पछिल्लो समय लागुऔषधको प्रयोगको वृद्धिले चर्चा पाउने गरेको छ । एक स्तम्भकारले राज्यमा बढ्दो लागुऔषधको ढुवानीलाई ‘देश विरुद्धको खुला युद्ध’ को रुपमा चित्रित गर्दै यो युद्ध अरू कुनै युद्धभन्दा बढी खतरनाक’ भएको वर्णन गरे ।
बुधवार, साउदी अधिकारीले राजधानी रियादको गोदाममा लगभग ४।७ करोड एम्फेटामाइन चक्कीहरू ढुवानी गर्न राखिएको पिठोमा लुकाइएको अवस्थामा फेला पार्यो । यो हालसम्म साउदी अरबमा भेटिएको अवैध लागुऔषधको सबैभन्दा ठूलो परिणाम हो । पछिल्लो परिणामको ड्रग्स भेटिनुले साउदी अरब मध्यपूर्वको लागुऔषध राजधानीको रूपमा विकसित हुँदै गएको कुरामै थप जोड दिन्छ ।
यो मुलुक सिरिया र लेबनानका तस्करहरूको लागि मुख्य गन्तव्य बनेको विज्ञहरूको भनाइ छ । यही साताको सुरुमा एक अमेरिकी तटरक्षक डुङ्गाले ओमानको खाडीमा माछा मार्ने डुङ्गामा ढुवानी हुँदै गरेको करोडौं डलर पर्ने ३२० किलोग्राम एम्फेटामाइन ट्याब्लेट र लगभग ३००० किलो चरेस बरामद गर्यो ।
विगतमा साउदी अरबमा चरेसको प्रयोग धेरै हुने गरेकोमा अहिले एम्फेटामाइन साउदी युवाहरू माझ लोकप्रिय बनेको छ । धनी उपभोक्ता बजारहरूमा, एम्फेटामाईनको ठूलो माग छ । देशको बढ्दो युवा जनसंख्याको बीचमा मनोरञ्जन गतिविधि न्युन रहेकाले धेरै ड्रग्सतर्फ आकर्षित भइरहेका छन् ।
उपभोक्ताहरू अफिम र कोकिनजस्ता ‘कडा’ ड्रग्सको तुलनामा कृतिम फेनेथाइलिन रहने क्याप्टागनलाई उचित मान्छन् । युवराज मोहम्मद बिन सलमानका सुधारले मनोरञ्जनका माध्यम बढेसँगै ड्रग्सको प्रयोग कमी हुने अपेक्षा केही विज्ञले गरेका छन् । पछिल्लो समय देशभर कयौं लागुऔषध दुर्व्यवसनीको लागि पुनःस्थापना केन्द्रहरू खुलेका छन् । तर मध्य–पूर्वमा अझै पनि लागुपदार्थ सेवन गर्नेहरु विरुद्ध कडा कारवाहीको व्यवस्था छ । अन्तरराष्ट्रिय एजेन्सी–सीएनएनबाट
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन