तराई टप संवाददाता
काठमाण्डौ, ५ चैत । नेकपा एमाले को नेपाल समुहका साँसदहरु बालुवाटर वैठकमा नजाने भएको छ ।
एमाले अध्यक्ष एवं प्रधानमन्त्री केपी शर्मा ओलीले बोलाएको संसदीय दलको बैठकमा भाग लिन केही सांसदहरु सानेपाबाट हिँडिसकेका थिए तर विच बाटोबाट बालुवाटार नजाने अडान राख्दै पुन सानेपा फर्किएको हो ।
‘अनौपचारिक छलफलबाट बालुवाटार जाऔं भन्ने भयो । यसपछि हामी त हिँडिसकेका थियौं तर फेरि अर्को सूचना आयो, हामी फर्कियौं’, सांसद गणेश पहाडीले बताए । उनका अनुसार स्थायी कमिटी बाहेकका सांसदहरु ओलीले बोलाएको दलको बैठकमा जाने भन्ने सल्लाह भए अनुसार हामी त्यस जान लागेका थियौं ।
तर वरिष्ठ नेता झलनाथ खनाल र माधवकुमार नेपालको उपस्थितिमा भएको छलफलले बालुवाटार नजाने निष्कर्ष निकाल्यो । ‘पहिले जाने भन्ने भयो, फेरि नजाने भन्ने भयो । अब हामी जान्नौं’, सांसद दीपकप्रकाश भट्टले भने । छुट्टै राष्ट्रिय भेला भइरहेकाले पार्टी अध्यक्ष ओलीले बोलाएको बैठकमा जान उचित नहुने निष्कर्ष सहित बालुवाटार हिँडिसकेका सांसदहरु फर्किएका हुन् । ओलीले बोलाएको छलफलमा जाने वा नजाने भन्ने बारे छलफल गर्न विहान १० बजे छलफल राखिएको थियो । १५ मिनेट मात्रै छलफलको सूचना गरिएकाले अधिकांश सांसदहरु सानेपा स्थित हेरिटेज गार्डेन पुगेकै थिएनन् ।
स्थायी कमिटी सदस्यहरु सुरेन्द्र पाण्डे, घनश्याम भुसाल, बेदुराम भुसाललगायत नेताहरु सहित थोरै सांसदहरु बीच भएको छलफल पछि स्थायी कमिटी बाहेकका सांसद बालुवाटार जाने निर्णय लिइएको थियो ।

यसैविच नेकपा एमालेको वरिष्ठ नेता माधवकुमार नेपाल समुहको सानेपा स्थित हेरिटेज गार्डेनमा भईरहेको राष्ट्रिय भेलाको वैठकमा रौतहटबाट पनि प्रतिनिधित्व गरेर नेता तथा कार्यकर्ताहरु सहभागी भएका छन् । साही क्रममा युवा नेता एवं समाजसेवी शम्भु शाह, सहितका नेताहरु राष्ट्रिय भेलामा यतिखेर उपस्थित रहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन