राष्ट्रियता र स्वाधिनको रक्षार्थ गठबन्धन बनेको हो दिपक गिरी

270 Shares

दाङ निर्वाचन क्षेत्र नम्बर ३ का नेपाली कांग्रेसबाट प्रतिनिधि सभा सदस्य पदका उम्मेदवार दीपक गिरीले अहिलेको गठबन्धन राष्ट्रियता र संविधान जोगाउनका लागि भएको बताएका छन् ।

कांग्रेसका केन्द्रीय सदस्य तथा गठबन्धनका साझा उम्मेदवार गिरीले तुलसीपुर उपमहानगरपालिका वडा नम्बर ४ मा शनिबार दिउँसो स्थानीयलाई सम्बोधन गर्दै केपी ओली नेतृत्वको सरकारले लामो संघर्षपछि उपलब्ध संविधान र राष्ट्रियतामाथि नै धावा बोल्न थालेपछि राष्ट्रियता र संविधानको रक्षाको लागि गठबन्धन आवश्यक परेको बताएका थिए । 

लोकतान्त्रिक संविधानले अभिब्यक्ति स्वतन्त्रता, महिला, दलित, जनजाती तथा पछाडि पारिएको समुदाय सबैको हक अधिकार सुनिश्चित गरेको हुँदा नेकपा एमाले र त्यससंग तालमेल गरेका राजनीतिक दलहरुले त्यो संविधानमाथि धावा बोलेको हुँदा त्यसको रक्षाको लागि परिवर्तनकारी शक्तिहरु एक ठाउँमा उभिनु परेको उम्मेदवार गिरीले दाबी गरे ।

‘अतिवाद र प्रतिगमनकारीलाई परास्त गर्नका लागि हाम्रो यो गठबन्धन बनेको हो,’ उनले भने, ‘परिवर्तनकारी शक्तिहरुको विजयले मात्रै प्रतिगमनकारी र अतिवादीको हार हुनेछ ।’ 

उनले निर्वाचन पछि फेरि गठबन्धन दलहरुको सरकार बन्ने भन्दै गठबन्धनका सबै साझा उम्मेदवारलाई मतदान गरी विजयी गराउन आग्रह गरे । ‘दाङ क्षेत्र नम्बर ३ को प्रतिनिधिसभा सदस्यमा मलाई मात्रै हैन,’ उनले भने ‘३ (क) मा कांग्रेसकै डिल्लीबहादुर चौधरी र ३ (ख) मा माओवादीका धनबहादुर मास्की (राजेश) लाई पनि अत्यधिक मतले विजयी गराउनु हुन मेरो अनुरोध छ ।’

उपमहानगरपालिका भएपनि खुमखानीका बासीहरु सडक सञ्जाल लगायत नगरको सामान्य सेवासुबिधाबाटसमेत बञ्चित हुँदै आएको भन्दै गठबन्धनको पक्षमा मतदान गरी विजयी बनाए भविष्यमा जिल्लाको विकास निर्माणमा भूमिका खेल्ने गिरीले बाचा गरे । 

आफू र गठबन्धनका सबै उम्मेदवारलाई विजयी गराए खुमखानी हुँदै सल्यान जोड्ने बाटो निर्माणलाई प्राथमिकतामा राखेर काम गर्ने उनले प्रतिबद्धता जाहेर गरेका थिए ।

उनले विगतमा आफूले पश्चिम दाङमा शिक्षाको ज्योति फैलाउन राप्ती बबई क्याम्पस स्थापना गरेको, नौ महिने मन्त्री हुँदा पश्चिम दाङ र समग्र दाङ उपत्यकामा ५३ हजार हेक्टर जमिनमा सिंचाई सुबिधा पुर्याउने उद्धश्यले बृहत सिंचाई कार्यालयको केन्द्रीय कार्यालय दाङको तुलसीपुरमा स्थापना गरेको भए पनि एमालेको नेतृत्व आएपछि त्यसलाई छायाँमा पार्ने काम भएको भन्दै असन्तुष्टि पोखे ।

आफू सिंचाई मन्त्री हुँदा स्थापना गरेको बृहत सिंचाईका कारण जिल्लाका बिभिन्न स्थानमा सिंचाई सुबिधा नभएको ठाउँहरुमा जलाशय, तटबन्ध निर्माण लगायतका काम भइरहेको उनले बताए ।

बबई नदी, पातुखोला, ग्वार खोलालगायत जिल्लाका विभिन्न नदी खोलाहरुले गर्ने कटान नियन्त्रणका लागि तटबन्ध निर्माण, पुल निर्माण लगायतका कामहरु गरेर जिल्लाबासीको मर्म अनुसार काम गरेको भन्दै भविष्यमा थप योजनाका साथ काम गर्ने उनले बाचा गरेका थिए ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।