काबुल । अफगानिस्तान र पाकिस्तानका सुरक्षाकर्मीबीच सीमाक्षेत्रमा भएको झडपमा परी एक अफगान महिलाको मृत्यु भएको छ ।
दक्षिणी अफगानिस्तानको कन्दाहार प्रान्तस्थित स्पिन बोल्दाक क्षेत्रमा भएको झडपमा परी अफगान महिलाले ज्यान गुमाएको अफगान समाचार संस्था खामाप्रेसले जनाएको छ । पाकिस्तानी सुरक्षाकर्मीको गोली लागी महिलाले ज्यान गुमाएको अफगानिस्तानमा शासन गरिरहेको तालिबानका प्रहरी अधिकारी मौलबी महमुदले जानकारी दिएका छन् ।
झडपका क्रममा दुबै पक्षबाट भारी हतियारको प्रयोग भएको जनाइएको छ । स्पिन बोल्दाक सहरका प्रहरी प्रमुख महमुदका अनुसार पाकिस्तानी पक्षले गोली प्रहार थालेपछि जवाफमा अफगान सुरक्षा बलले पनि गोली प्रहार गरेका थिए ।
घटनामा एक जना महिला मारिएको बाहेक कुनै विवरण सार्वजनिक नभएको जनाइएको छ ।
पछिल्लो समय पाकिस्तानी सेना र तालिबानबीचको सम्बन्धमा चिसोपन उत्पन्न हुन थालेको विश्लेषणबीच दुई पक्षबीच सीमा क्षेत्रमा गोली हानाहान भएको हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन