काठमाडौं, १७ कार्तिक । सत्तारुढ गठबन्धनको भावी प्रधानमन्त्रीको रुपमा नेपाली काँग्रेसका सभापति शेरबहादुर देउवालाई नै निरन्तरता दिने भएको छ ।
प्रतिपक्षी नेकपा एमालेले अध्यक्ष केपी शर्मा ओलीलाई अघि सारेका बेला गठबन्धनले नेपाली कांग्रेसका सभापति शेरबहादुर देउवालाई प्रधानमन्त्रीमा अघि सार्ने निर्णय गरेको हो ।
कांग्रेस नेतृ एवं प्रधानमन्त्री पत्नी डा आरजु राणा देउवाले ४ मंसिरपछि शेरबहादुर देउवा नै प्रधानमन्त्री बन्ने बताइन् । प्रधानमन्त्री बन्न उमेरले नछेक्ने भन्दै अनुभव र चलाउन सक्ने क्षमता आवश्यक पर्ने बताइन् ।
उनले माओवादी केन्द्रका अध्यक्ष प्रचण्ड पनि प्रधानमन्त्रीको दाबेदार भएको बताइन् । देउवापछि प्रचण्ड प्रधानमन्त्री बन्न सक्ने उनको संकेत थियो । आरजुले गगन थापा र रामचन्द्र पौडेलहरुको प्रधानमन्त्रीमा दाबी स्वभाविक रहेको भन्दै संसदीय दलको नेता जो बन्छ उही प्रधानमन्त्री बन्ने स्मरण गराइन् ।
तर चुनावपछि देउवा नै प्रधानमन्त्री बन्ने गठबन्धनमा सहमति भइसकेको उनको भनाइ छ ।
आरजुले आफ्नो प्रधानमन्त्री बन्ने चाहना भए पनि बेला नभएको बताइन् । आफू अझै युवा नै रहेको र थप अनुभव पनि चाहिने भन्दै उनले आफ्नो चाहना भने रहेको बताइन् । राजनीति गर्ने हरेक मान्छेको चाहना प्रधानमन्त्री बन्ने नै हुने उनको भनाइ थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन