रौतहट, २४ कार्तिक । आईसीसी टी–२० क्रिकेट विश्वकप प्रतियोगिता चरम उत्कर्षमा पुगेको छ । आज एडिलेडमा हुने दोस्रो सेमिफाइनलमा भारत र ईङल्याण्ड भिड्दै ।
प्रतियोगिताको प्रमुख दाबेदार मानिएका न्युजिल्यान्ड लाई पाकिस्तानले ७ विकेटबाट हराउदै फाईनलमा प्रवेश गरिसकेका हुन् ।
नेपाली समय अनुसार दिउसो १:४५ बजे सुरु हुनेछ । भारत समुह २ बाट शिर्ष स्थानमा रहदै सेमिफाइनलमा पुगेको हो भने ईङल्याण्ड समुह १ बाट उपविजेता हुदै सेमिफाइनलमा पुगेको छ ।
भारतले ५ खेलमा ८ अंक हासिल गरेको छ । त्यस्तै ५ खेलमा ६ अंक हासिल गर्दै समुहमा दोस्रो हुदै दक्षिण अफ्रिका पराजित भएपछि पाकिस्तान सेमिफाइनलमा प्रवेश गरेको थियो ।
त्यस्तै ईङल्याण्डले समुह १ मा ५ खेलमा ७ अंकसहित नै ०.४७३ रनरेटका आधारमा आयोजक अस्ट्रेलियाभन्दा अगाडी रहदै समुहको उपविजेता बन्दै सेमिफाइनलमा स्थान सुनिश्चित गरेको थियो ।
सेमिफाइनलअघि ईङल्याण्डका खेलाडी घाइते हुदा समस्यामा परेको छ । ईङल्याण्ड तिब्र गतिका बलर मार्क वूड र विस्फोटक ब्याट्सम्यान डेविड मलान घाइते भएपछि भारतविरुद्धको खेलमा खेल्न नसक्ने बताइएको छ ।
त्यस्तै भारतको टिममा पनि विकेटकिपर र स्पिनरको विषयमा ईङल्याण्डविरुद्ध कसलाई खेलाउने भन्नेमा स्पष्टता देखिएको छैन । शुरुका खेलमा दिनेश कार्तिकलाई विकेटकिपर ब्याट्सम्यानको रुपमा खेलाइएको भएपनि पछिल्लो खेलमा उनलाई आराम दिएर रिषव पन्तलाई खेलाइएको थियो । तर पन्त केवल ३ रन बनाएर आउट भएपनि उनी ईङल्याण्डविरुद्ध खेल्ने नखेल्ने स्पष्ट छैन । त्यस्तै स्पिनर आर आश्विनको ठाउमा युजवेन्द्र चहललाई खेलाउनु पर्ने विषयपनि उठेको छ ।
टी-२० विश्वकपको कुरा गर्दा भारतले २००७ मा भएको पहिलो विश्वकपको उपाधि जितेपछि एक पटक मात्र २०१४ मा फाइनलमा पुगेको थियो । सो विश्वकपमा श्रीलंकासँग ६ विकेटले पराजित हुदै उपविजेता बनेको थियो ।
त्यस्तै ईङल्याण्डले २०१० को टी-२० विश्वकप जितेको थियो भने २०१६ को विश्वकप फाइनलमा वेस्टइण्डिजसँग पराजित भएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन