जसपा अध्यक्ष उपेन्द्र यादवसँग पछिल्लो पाँच वर्षे कार्यकालमा अक्सर समय मन्त्री बने । मन्त्रालय फेर्दै मन्त्री बनेका उनी केपी ओलीले गलहत्याइएपछि बाहिरिए । त्यसपछि बनेको पाँच दलीय गठबन्धनको सरकारमा पनि उनले आफ्नो दललाई चार मन्त्रालयसहित सामेल गराए । त्यतिमात्रै उनी आफै पनि उपप्रधानमन्त्री बन्न खोजेका थिए । तर शेरबहादुर देउवा नेतृत्वको गठबन्धन सरकारले उपप्रधानमन्त्री नै नराख्ने भएपछि उपेन्द्र ब्याक भए । मधेस मुक्तिका लागि जनमत लिएर आएका उपेन्द्रले सत्ता दाउपेचका कारण मधेसकै पहिलो शक्ति बनेको एकीकृत पार्टी जसपालाई जोगाउन सकेनन् । उनको अहंमता र सत्ता लोभले जसपा फुट्यो । सांसद निर्वाचित भएपछि काठमाडौंमा बसेर पाँच वर्ष सत्तामा पुग्ने खेलमै रमाइरहने उपेन्द्रलाई यसपालि सप्तरी २ का मतदाताले मत नदिने निष्कर्ष निकालेका छन् । चुनावका बेला टुरिस्टको जसरी हात जोड्दै आउने र अरु बेला वास्ता नगर्ने, क्षेत्रबाट वेपत्ता हुने उनको कार्यशैलीले आजित यहाँबाट जनता टुरिस्टलाई मत नदिने मनस्थिति बनाएका हुन् ।
जितेपछि क्षेत्रमा फर्किएर नआउने प्रवृत्ति पटक पटक दोहोर्याएका उपेन्द्रलाई मतदान गर्नुभन्दा एकचोटि नयाँ अनुहारलाई हेर्ने यहाँका मतदाताहरुले बताएका छन् । यहाँ नयाँ अनुहारमा जयप्रकाश ठाकुर अगाडि देखिएका छन् । त्यस्तै सीके राउत पनि नयाँ अनुहारका रुपमा प्रतिस्पर्धामा छन् ।
राजविराजका युवा मतदान सुरेश यादव भन्छन्, ‘उपेन्द्र यादव हाम्रो टुरिस्ट नै हुन् । चुनावका बेला हात जोड्दै घरदैलोमा आउने र त्यसपछि एक पटक पनि मुख नदेखाउनेलाई किन पटक पटक मत दिने ? यसपालि नयाँ अनुहार आउनुपर्ने हाम्रो मानसिकता छ । उपेन्द्रमा फेरि सत्तामा पुर्याउनकै लागि हामी मत दिँदैनौं,’ उनले भने ।
अर्की मतदाता जुली ठाकुरले पनि उपेन्द्रको स्वार्थी प्रवृत्तिले वाक्क भएको बताइन् । ‘अब पुग्यो । राजविराजले नयाँ अनुहार खोजेको छ । यो क्षेत्रभन्दा काठमाडौं प्यारो ठान्ने उपेन्द्रको प्रलोभनमा अब हामी मतदाता पर्दैनौं ।’
उपेन्द्र यादव पछिल्लो ०६४ देखि मधेसको नाम बेचेर निरन्तर सत्ता र सदनमा पुगिरहेका छन् । उनको नेतृत्वमा मधेसको परिवर्तनका नाममा एक सय जनाभन्दा बढीको ज्यान गएको छ । तर उनको सत्ता लोभी ब्यवहारले अहिले मतदाता चिढिएर अवस्था बिग्रिएको छ । नेपालपाना
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन