रौतहट, ३० कार्तिक । मुलुककै ध्यान आफू तर्फ तानिएका क्षेत्र मध्ये रौतहट १ मा नेकपा (एस) र नेकपा एमाले उम्मेदवार बीच तिव्र प्रतिष्पर्धा हुने निश्चित भएको छ ।
युवा भर्सेस बुढो उम्मेदवार बीचको प्रतिष्पर्धामा युवा उम्मेदवार नेकपा एमालेका अजयकुमार गुप्ता प्रति क्रेज बढेर गएको हो । गौर नगरपालिकाको मेयरमा पूर्ण कार्यकाल विताएर गरेको काम कत्तव्र्यलाई पुरा गराउन एवं बाँकी रहेका विकासको पुर्वाधारहरु खडा गर्नका निमित्त प्रतिनिधि सभा सदस्य पदमा केपी ओलीको विश्वास पात्र बनेर रौतहट १ बाट उम्मेदवारी दिदा स्थानीय युवा एवं धरातल संग जोडिएका मतदाताहरुको गुप्ता प्रतिको माया बढेर देख्दा उनको विजय हुने प्रवल सम्भावना रहेको स्थानीय गौर अमित ठाकुरले बताए ।
नेकपा एकीकृत समाजवादीका अध्यक्ष माधव कुमार नेपालसँग प्रतिष्पर्धामा रहेका नेकपा एमालेका उम्मेदवार अजय गुप्ता चुनावी रणनितिका साथ अगाडी बढि रहेको उनले भने । दुवै उम्मेदवारले मतदातालाई आफ्नो पक्षमा ल्याउन मतदाताहरुको घर दैलोमा पुग नपुग भ्याई नभ्याईको अवस्था रहेपनि युवा गुप्ता हरसम्भव मतदाताको समक्ष पुग्न सकेको छ भने नेपाल वृद्ध भएको कारण प्रत्येक घरदैलो सम्म पुग्न निकै चुनौती भईरहेका छन् ।

रौतहटबाट निर्वाचित भएर प्रधानमन्त्री समेत भइसकेका नेता नेपाललाई गठबन्धनका उम्मेदवारहरुले पनि सघाइरहेको छ । तर नेता नेपाललाई यसभन्दा पहिले मत दिएका स्थानियले यस पटक गुनासो बढी गरिरहेका छन । प्रधानमन्त्री समेत बनेका व्यक्तिले जिल्लामा समुचित विकास गर्न नसकेकोमा स्थानीयको गुनासो छ । खास गरी जुद्ध माध्यमिक विद्यालयको छात्रावास तथा बाग्मती नदीको पुल निर्माण गराउन नसकेको भन्दै स्थानीयले दुखेसो गरेका छन ।
दोश्रो संविधानसभा निर्वाचनमा माधव कुमार नेपाल संग तिन सय मतले पराजित भएका एमालेका नेता गुप्ताले यो चुनावमा नेपाललाई कडा चुनौती दिइरहेका । गुप्ताले आफ्नो जितका लागि यतीबेला भेटघाटलाई तिब्र पारेका छन । एमालेका तर्फबाट क्षेत्र नं. १ को क बाट राजकिशोर यादवसँगको सहकार्यमा गुप्ताले घरदैलो कार्यक्रममा जोड दिइरहेका छन भने एकीकृत समाजवादीका नेता नेपालले पनि गठबन्धनका उम्मेदवारहरुसँग घरदैलो कार्यक्रममा व्यस्त छन ।
दुवै नेतालाई सुनिरहेका स्थानिय भने अहिलेनै कसैको पक्षमा खुल्न चाहदैनन । घरदैलोमा आएका नेताहरुको आश्वासन र तर्कहरु सुन्दै उनीहरु मंसिर ४ मा आफ्नै स्वविवेकले मतदान गर्ने बताए । एमालेका नेता अजय गुप्ता र गठबन्धनका तर्फबाट नेकपा समाजवादीका उम्मेदवार माधव नेपाल दुवैले आफुहरुलाई स्थानियको सर्मथन रहेको दाबी गर्छन । तर युवाहरु अहिले गुप्ता प्रतिको रुझान बढेर गएको हुँदा मंसिर ४ मतदान सम्पन्न भएपछि हुने मतगणनाको अन्तिम परिणाम पश्चात विजयी हुनेमा स्थानीयहरु पूर्ण विस्वस्त रहेको उनीहरुले जनाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन