रौतहट, १ मंसिर । रौतहटको निर्वाचन क्षेत्र नम्वर ३ स्थित कटहरिया बजारमा बुधवार राति स्वतन्त्र उम्मेदवारहरुको कार्यकर्ताहरु विच झडप हुँदा प्रहरीले बल प्रयोग गरेर स्थितिलाई नियन्त्रणमा लएका थिए ।
कटहरिया नगरपालिका ५ बजार स्थित शान्ति पेट्रोल पम्प अगाडी गएराति साढे ९ बजेको समयमा प्रतिनिधि सभा सदस्यका स्वतन्त्र उम्मेदवार ओमप्रकाश जयसवाल र प्रदेशसभाका स्वतन्त्र उम्मेदवार कुन्दन कुशवाहाका समर्थक बीच वाद विवाद भइ दुवै पक्षका कार्यकर्ताहरु उग्र बन्न थालेपछि इप्रका कटहरियाबाट खटिएको नेपाल प्रहरी र सशस्त्र प्रहरीले ४ राउण्ड अश्रुग्यास र सशस्त्र प्रहरीले ३ राउण्ड हवाइ फायर गरेर भिड नियन्त्रणमा लिएको थियो ।

इलाका प्रहरी कार्याल गरुडाका अनुसार दुवै पक्षका समर्थकहरु रक्सी खाएर एक अर्काको उम्मेदवारलाइ असभ्य एवं अशोभनिय भाषा प्रयोग गर्न थालेपछि विवाद शुरु भएको थियो । विवाद भएपछि दुवै पक्षका कार्यकर्ता झै—झगडा र भिडन्त गर्ने मनसायले जम्मा हुन थालेको र प्रहरीले भिडन्त हुन नदिन समझाइ बुझाइ गरे पनि दुबै पक्षका कार्यकर्ता आक्रोशित हुँदै गएको र अचानक प्रहरी माथि नै ढुंगा र शिशाका टुक्राले हान्न थालेपछि थप भिडन्त र झडप हुन नदिन प्रहरीले हवाई फायर र अश्रुग्यास प्रहार गर्नु पर्यो ।
यस विषयमा दुवै पक्षले एक अर्कालाई चुनावमा पैसा र रक्सी बाँडेको आरोप लगाइरहेका छन् । घटनाकै विच प्रदेश सभाका स्वतन्त्र उम्मेदवार कुण्डन कुशवाहार पुग्दा तिनलाई आक्रोशित स्थानीयहरुले लखेटेका थिए । घटना शान्त रहेको इलाका प्रहरी गरुडाका प्रहरी निरीक्षक विरेन्द्र पासवानले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन