श्याम गुप्ता
बारा, २ मंसिर । यही मंसिर ४ गते आईतवार हुन गईरहेको प्रतिनिधि सभार र प्रदेश सभाको निर्वाचनको ७२ घण्टा अघि स्थिर समय (मौंन अवधि) मा पनि बारामा आचारसंहिता विपरीत उम्मेदवारहरू घरदैलो गरेर मौन अवधिको धज्जी उडाइरहेको पईएको छ ।
बाराको क्षेत्र नम्बर ४ मा पर्ने परवानीपुर गाउँपालिका ३ लिपनीमालमा आचारसंहिता विपरीत गठबन्धनको घरदैलो कार्यक्रम भएको हो ।
सता गठबन्धनका तर्फबाट प्रतिनिधि सभा सदस्यका उम्मेदवार कृष्णकुमार श्रेष्ठ (किसान) र प्रदेशसभा सदस्य (ख) का उम्मेदवार जितेन्द्र सोनलले शुक्रवार बिहान घरदैलो गरेका हुँन् ।
करिब एक सय भन्दा बढी नेता कार्यकर्ताको सहभागितामा घरदैलो भएको स्थानीयवासीले बताए ।
बिहीवार मध्यराति १२ बजेबाट चुनाव प्रचार प्रसारमा रोक लगाइएको छ । तर, यसको उलंघन गर्दै किसान र सोनलले शुक्रवार बिहान घरदैलो कार्यक्रम गर्दै मत माँगिरहेका छन् ।
यस बारेमा खबर पाएको प्रहरीले आचारसंहिता विपरीतका कार्य रोक्न बताएको छ । घरदैलो कार्यक्रम भइरहेको जानकारी आएको बताएका बाराका प्रहरी उपरीक्षक होविन्द्र बोगटीले घरदैलो कार्यक्रम रोक्नलाई प्रहरी निरीक्षकको कमान्डमा प्रहरी परिचालन गरेको बताए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन