चन्द्रपुर (रौतहट), १८ मंसिर । एकिकृत बचत तथा ऋण सहकारी संस्थाको १४ औं बार्षिक साधारण सभा सम्पन्न भएको छ ।
रौतहटको चन्द्रपुरमा आयोजित एकीकृत बचत तथा ऋण सहकारी संस्थाको १४ औं साधारण सभा सम्पन्न भएको हो ।
सहकारी संस्थाका अध्यक्ष कृष्णबहादुर खड्काको अध्यक्षमा सम्पन्न भएको भएको बार्षिक साधारण सभामा चन्द्रपुरका मेयर संजय काफ्लेले सहकारीको माध्यमबाट गरिव असहाय वर्गहरु बचत गर्ने बानीको विकास भएको बताए । सहकारीले अहिले निम्न बर्गलाई निकै फलदायी सावित भएको बताए ।
कार्यक्रममा चन्द्रपुर सहकारी शाखा प्रमुख नसरे आलम र सहकारी अभियन्ता कालिन्दी घिमिरेको विशिष्ठ आतिथ्यता तथा नवविकास साकोसका कोषाध्यक्ष दिनेश मैनाली, स्वस्तिक साकोसका प्रतिनिधि, संकल्प साकोस प्रतिनिधि बलराम गौतम र सफल साकोस सचिव प्रकाश तिमल्सिनाको उपस्थिति रहेको थियो ।
उक्त अवसरमा संस्थाका अध्यक्ष खड्काले बैंकको पहुँचमा पुग्न नसकेका आफ्ना सदस्यहरुलाई स्वरोजगार बनाउने लक्ष्य रहेको बताए । हाल संस्थाको शेयर पूँजी १ करोड ६ लाख ८० हजार ९ सय रुपियाँ रहेको संस्थाका उपाध्यक्ष ऋषबदेब आचार्यले उल्लेख गरे ।
उक्त सभाबाट संस्थाका अध्यक्ष खडका, सचिब गणेशकुमार दाहाल, कोषाध्यक्ष पार्बती खडका र लेखा समितिका संयोजक जगदीप चौधरीद्वारा प्रस्तुत गरेको प्रतिवेदनलाई साधारण सभाले पारित भएको थियो ।
आर्थिक वर्ष २०७८र७९ मा संस्थाले ३३ लाख रुपियाँ नाफा आर्जन गर्न सफल भएको छ । साथै साधारण सभाले शेयरधनीहरुलाई १३ प्रतिशत लाभांश वितरण गर्ने प्रस्ताव पारित गरेको छ । संस्थामा हाल २ हजार ४१ जना सदस्य र ६ जना कर्मचारी रहेका छन् ।
साधारण सभाको अवसरमा ८ जना जेष्ठ नागरिक, दुई जना असल ऋणी, ५ जना असल बचतकर्ता, यस वर्षको एसइइमा उत्कृष्ट शेयर सदस्यका सन्तानलाई रु १००५ र सहित सम्मान गर्नुका साथै उत्कृष्ट बाल सदस्यलाई सम्मान पनि प्रदान गरिएको थियो ।
कार्यक्रममा सहकारी अभियन्ता कालिन्दी घिमिरेलाई सम्मानपत्रसहित दोसल्ला ओढाएर सम्मान गरिनुका साथै उत्कृष्ट कर्मचारी सम्मान बजार प्रतिनिधि रचना बोलखेलाई प्रदान गरिएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन