रौतहट, ८ असोज । रुपनदेहीको बुटवल स्थित कोभिड अस्पतालमा उपचार गराइरहेका २ जना कोरोना संक्रमितको मृत्यु भएको छ । मृत्यु भएका दुवै जनालाई एक साता देखि भेन्टिलेटरमा राखिएका थिए ।
कोरोना संक्रमित मर्नेहरुमा एक जना नवलपरासी पश्चिम र एक जना कपिलवस्तुको रहेको छ । दुवैजनालाई गत सात दिन देखि भेन्टिलेटरमा राखेर उपचार भईरहेको क्रममा मृत्यु भएको जनाइएको हो ।
गत भदौ २७ गते अस्पताल भर्ना भएका नवलपरासी पश्चिमको रामग्राम नगरपालिका ३ का ४९ वर्षीय पुरुषको बिहीबार बिहान ४ बजेको समयमा मृत्यु भएको छ । उनी धेरै दिन देखि कलेजो र मिर्गौला रोगबाट ग्रसित रहेका रोगी थिए । यसैगरी असोज १ गते अस्पताल भर्ना भएका कपिलवस्तु बुद्धभूमि नगरपालिका–६ का ५० वर्षीय पुरुषको बिहान ७ बजे मृत्यु भएको अस्पतालका सूचना अधिकारी डा. विष्णु गौतमले जानकारी दिदै मृतक मधुमेह र मिर्गौलाका दीर्घ रोगी रहेको थियो ।
यस्तै चितवन मेडिकल कलेजमा उपचारार्थ कोरोना संक्रमित एक युवकको मृत्यु भएको छ । तनहुँको आँबुखैरहनी नगरपालिका वडा नम्बर ३ का ३९ वर्षीय युवकको मृत्यु भएको अस्पतालले जनाएको छ । अस्पतालका निर्देशक डा. दयाराम लम्सालका अनुसार उनको बुधबार राति १२ः५५ बजे मृत्यु भएको हो । डायलासिस गराउन भदौ २९ गते अस्पताल आएका उनमा गत भदौ ३१ गते कोरोना देखिएको थियो । कोरोना संक्रमण सँगै अस्पतालको सघन उपचार कक्षमा उनको उपचार भइरहेको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन