पाकिस्तान । चालू आर्थिक वर्षको पहिलो चार महिनामा पाकिस्तानमा प्रत्यक्ष वैदेशिक लगानी ५२ प्रतिशतले घटेको छ । खराब आर्थिक अवस्था एवम् राजनीतिक अस्थीरताका कारण वैदेशिक लगानी घटेको पाकिस्तानबाट प्रकाशित हुने डन अखबारको अनलाइन संस्करणले जनाएको हो ।
पाकिस्तानको केन्द्रिय बैंकले सार्वजनिक गरेको पछिल्लो तथ्यांकले चालू आर्थिक वर्षको जुलाईदेखि अक्टोबर महिनासम्म पाकिस्तानमा केबल ३४ करोड ८३ लाख डलर बराबर वैदेशिक लगानी भित्रिएको छ ।
अघिल्लो वर्षको सोही अवधिमा यो ७२ करोड ६५ लाख डलर रहेको डनले उल्लेख गरेको छ । पछिल्ला केही वर्षयता पाकिस्तानमा वैदेशिक लगानी घट्दै गएको जनाइएको छ । यस अवधिमा पाकिस्तानमा सबैभन्दा धेरै चीनबाट वैदेशिक लगानी भित्रिएको छ ।
डनले जनाएअनुसार यस अवधिमा चीनबाट पाकिस्तानले ७ करोड ४८ लाख डलरको लगानी भित्र्याएको छ । अघिल्लो वर्षको यही अवधिमा चीनबाट पाकिस्तानमा ९ करोड ९५ लाख डलर लगानी आएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन