पेशाबर । पाकिस्तानको गिल्गिट बाल्टिस्तानमा निकै समयदेखि विद्युत आपूर्ति अवरुद्ध भएको भन्दै त्यहाँको नागरिकहरु प्रदर्शनमा उत्रिएका छन् ।
गिल्गिट बाल्टिस्तानको स्कार्डु क्षेत्रमा स्थानीयहरुले लोडसेडिङको विरोधमा प्रदर्शन गरेको पाकिस्तानबाट प्रकाशित हुने डन अखबारको अनलाइन संस्करणमा उल्लेख गरिएको हो ।
प्रदर्शनकारीले लाल्टिन बोकेर स्थानीय हुसैनी चोकमा सरकार विरुद्ध नाराबाजी सहित धर्ना दिएको डनले उल्लेख गरेको छ । बाल्टिस्तान अवानी एक्सन समितिले आयोजना गरेको प्रदर्शनमा प्रदर्शनकारीले सो क्षेत्रमा गहुँको चरम अभाव रहेको भन्दै यस समस्याको तत्काल समाधान गर्न समेत सरकार समक्ष माग गरेका छन् ।
डनका अनुसार सो क्षेत्रमा दैनिक २२ घण्टासम्म विद्युत आपूर्ति अवरुद्ध हुँदै आएको छ । यसबाहेक सरकारले त्यस क्षेत्रमा अनुदानमा दिइँदै आएको गहुँको आपूर्तिमा कडाई गरेपछि पिठोको पनि अभाव देखिएको प्रदर्शनकारीले जनाएका छन् ।
आफ्नो माग पूरा नभएको खण्डमा आन्दोलनलाई थप चर्काउने समेत प्रदर्शनकारीको चेतावनी छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन