रौतहट, १० पुस । एमाले सहित ६ पार्टीको समर्थनमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्रीमा नियुक्त भएका छन् ।
माओवादीका अध्यक्ष प्रचण्डले नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र राष्ट्रिय उन्मुक्ति पार्टी तथा तिन स्वतन्त्रको १६९ साँसदको समर्थन पत्र राष्ट्रपति विद्यादेवी भण्डारीले आइतबार साँझ पेश गरेपछि उनलाई प्रधानमन्त्रीमा नियुक्त गरेकी हुन् ।
स्वतन्त्र सांसदहरु प्रभु साह, किरणकुमार साह र अमरेशकुमार सिंहले पनि उनलाई समर्थन गरेपछि २७५ सदस्यीय प्रतिनिधिसभामा प्रचण्डले १६९ सांसदको समर्थन पाउन प्रचण्ड सफल भएका छन् ।
प्रतिनिधसभामा निर्वाचनमा कुनै पनि एक दलको बहुमत नआएकाले राष्ट्रपति विद्यादेवी भण्डारीले संविधानको धारा ७६ (२) अनुसार मिलिजुली सरकार बनाउन आइतबार बेलुकी ५ बजेसम्मको समय दिएकी थिइन् ।
सोमवार राष्ट्रपति भण्डारीले प्रधानमन्त्रीको सपथ प्रचण्डलाई गराउने कार्यक्रम रहेको जनाइएको छ ।
काँग्रेसले प्रचण्डलाई धोखा दिएपछि प्रचण्ड बालकोट पुगेर एमाले सहितका दलहरुको समर्थनमा प्रधानमन्त्री बनेपछि नेपाली काँग्रेसका सभापति शेरबहादृर देउवाको हठवादी राजनीतिको कारण वाम लोकतान्त्रिक गठबन्धनको औचित्य समाप्त भएको राजनीतिक विश्लेशकहरुले टिप्पनी गरेका छन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन