सर्लाही, २४ पुस । सर्लाहीको नवलपुर स्थित पूर्व–पश्चिम राजमार्ग अन्तर्गत बजारमा आइतबार साँझ एक जना सुनचाँदी व्यवसायीलाई अपहरण प्रयास असफल भएको छ भने स्थानीयहरुले एक जना अपहरणकारीलाई पक्राउ गर्न सफल भएका छन् ।
नवलपुरको बसपार्क देखि दक्षिणतर्फ मनकामना सुनचाँदी पसल संचालन गर्ने लालबन्दी नगरपालिका –१ का गुड्डु साहलाई अपहरणको प्रयास गर्ने असफल प्रयास भएको बताइएका हुन् ।
अपहरणकारी मध्ये १ जनालाई स्थानीयहरुको मद्दतबाट नियन्त्रणमा लिन सफल भएको जानकारी दिदै सर्लाहीका एसपी नरेशराज सुवेदीले साँझ ६ बजेको समयमा कार चढेर आएका केही व्यक्तिहरुले उनलाई गाडीमा राखेर लैजाने प्रयास गरेका थिए । तर, तत्कालै हो हल्ला एवं प्रतिकार गरेर स्थानीयले एक जनालाई नियन्त्रणमा लिन सफल भएको बताए ।
पक्राउ परेका व्यक्तिलाई अहिले इलाका प्रहरी कार्यालय नवलपुरको हिरासतकक्षमा राखेर अनुसन्धान भईरहेको तथा गाडी सहित फरार भएका व्यक्तिको खोजतलास जारी रहेको बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन