बेइजिंग, एजेन्सी । कोरोना भाइरसको मार खेपिरहेका चीनको हेनान प्रान्तको ९० प्रतिशत मानिसहरु संक्रमित भएको अन्तरराष्ट्रिय समाचार एजेन्सीहरुको रीपोर्टमा उल्लेख गरिएको छ ।
चीनको सबै भन्दा बढी जनसंख्या रहेको हेनान प्रान्तमा ९० प्रतिशत मानिसहरू कोरोना भाइरस (कोभिड १९) संक्रमित भएका छन् ।
स्थानीय स्वास्थ्य अधिकारीहरुले पत्रकार सम्मेलनमा गरी सोही प्रान्तमा करिब ८ करोड ८५ लाख मानिस कोरोना संक्रमित भएको तथ्य सार्वजनिक गरेका हुन् । गत डिसेम्बरमा शून्य कोभिड नीति त्यागे पछि यता चीनमा कोरोना संक्रमितको संख्यामा अप्रत्याशित रुपमा बृद्धि भइरहेको छ ।
सरकारको कडा नीति अन्तर्गतका लकडाउन, क्वारेन्टिन र सामूहिक स्वास्थ्य परीक्षण विरुद्ध जनसमूहबाट अनपेक्षित विरोध प्रदर्शन सुरु भएपछि नरम नीति लिदा पुनः कोरोना संक्रमण दर बढेको हो । चीनले ३ वर्षपछि पहिलो पटक गत आइतबारदेखि विश्वका लागि आफ्ना सम्पूर्ण सीमाना खुला गरेको छ । जसका कारण अन्य देशहरुमा पनि कोरोना संक्रमण बढ्ने आशंका गरिएको छ ।
लाखौं चिनियाँ नागरिकहरु विदेश भ्रमणको तयारीमा रहेकाले चीनमा फैलिएको पछिल्लो भेरियन्ट अन्यत्र पुग्ने त्रास समेत बढेको छ । एएफपी ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन