राधेश्याम कुशवाहा
सर्लाही, ३ माघ । सर्लाहीको गोडैता नगरपालिकामा ९६० जना गरिब तथा विपन्न परिवारका नागरिकहरुलाई चिसोबाट बच्नका लागि न्यानो कम्बल वितरण गरिएको छ ।
गोडैता नगरपालिका र सेभ द चिल्ड्रेनको संयूक्त आर्थिक सहयोगमा राष्ट्रिय रोजगार प्रबद्र्वन केन्द्रसंग समन्वयमा उक्त कम्बल वितरण गरिएको हो ।
संस्थाबाट प्राप्त भएको कम्बलले चिसोबाट बच्नका लागि सहयोग पुग्ने स्थानिवासी राजकली देवी लोहारले बताईन। सहयोग स्वरुप प्राप्त भएको न्यानो कम्बल ओढने र बिछयाउने छु । उनले भनिन ।
घरमा काम गर्ने कोही नभएका कारण शितलहरको समयमा न्यानो लत्ताकपडाको समेत अभाव हुने गरेको छ । चिसोका कारण बुढाको हात काम्ने गरेका कारण काम गर्न उहाँ असमर्थ हुन्ुहुन्छ, आफूले नै काम गरेर परिवार चलेको छ । उनले भनिन ।
चिसोको समयमा बुढापाखाहरुको आगो नै साहारा रहेको बताउदै स्थानिय सरकारले दिएको दाउरा र न्यानो कपडाबाट बाँच्नुपरेको परेको छ । उहाँले सहयोगी संस्था सहित स्थानिय सरकारलाई समेत धन्याद दिईन ।
गोडैता नगरपालिका र सेभ द चिल्ड्रेनको संयुक्त आर्थिक सहयोगमा न्यानो कम्बल वितरण गरिएको राष्ट्रिय रोजगार प्रबर्दन केन्द्र, मलंगवा सर्लाहीका अध्यक्ष गायत्री देवीले बताईन । केही दिनदेखि जारी शितलहर र बाक्लो हुस्सुका कारण प्रभावित भएका गरिब, दलित, एकल महिला, बालबालिका तथा ज्येष्ठ नागरिकहरुलाई चिसोबाट बच्नका कम्बल वितरण बताईन । यो वितरण शितलहरबाट प्रभावित भएका नागरिकहरुलाई थोरै भएपनि घाउमा महलम लगाउने काम गरेको छु, उहाँले भनिन । यसबाट उनिहरुलाई यो विपदाबाट लडन थप मदत मिल्ने उहाँको भनाई थियो ।
शितलहबाट गरिब, तथा विपन्न परिवारका घरमा लत्ताकपडा तथा दैनिक उपभोगका सामग्रीको समेत अभाव हुने गरेको स्थानियवासीहरुले बताए । संस्थाबाट वितरण गरिएको न्यानो कम्बलबाट थोरै भएपनि जाडो काटन सहयोग पुग्ने उनिहरुको भनाई थियो ।
स्थानिय सरकारले शितलहरबाट प्रभावित भएका नागकिरहरुलाई चिसोबाट बच्नका लागि दाउरा तथा न्यानो कम्बल वितरण गरेको गोडैता नगरपालिकाका मेयर देवेन्द्र कुमारले यादवले बताए । हामीले नगरको सबै वार्डको गाउँ घर टोलका चौक चौकमा दाउरा वितरण समेत गरिसककेका छौ, उहाँले भने ।
गोडैता नगरपालिका तथा सेभ द चिल्ड्रेनको ५०–५० प्रतिशतको आर्थिक सहयोगमा न्यानो कम्बल वितरण गरिएको छ । शितलहर जारी रहयो भने थप आगो ताप्न दाउरा र कम्बल वितरण गरिने उहाँले प्रतिबद्वतता व्यक्त गरे । नगरका गरिब तथा विपन्नलाई चिसोबाट बचाउन र उनिहरुको जिवन रक्षाका लागि सक्दो पहल गरिने उहाँको भनाई थियो ।
तराई तथा मधेसमा दिनभर हुस्सु, कुहिरो र चिसो हावा चलेका कारण केही दिनयता राम्रोसँग घाम समेत लागेको छैन । घाम नलागेका कारण अत्याधिक चिसो बढी जनजिवन कष्ठकर बन्दै गएको छ । अत्याधिक चिसोका कारण मानिसहरु काम गर्न घर बाहिर जान सकेका छैन । यसबाट गरिब तथा विपन्न परिवारका बालबालिका तथा ज्येष्ठ नागरिकहरु सबैभन्दा बढी प्रभावित भएका छन ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन