रौतहट, ७ माघ । दुर्गा भगवती गाउँपालिकाद्धारा जारी अध्यक्ष कप जिल्ला स्तरिय नक आउट टि २० क्रिकेट टुर्णामेन्ट अन्तर्गत शनिवार भएको खेलमा गढीमाई नगरपालिकाले फतुवा विजयपुर नगरपालिकालाई २७ रनले पराजित गरेका छन् ।
दुर्गा भगवती गापाको सरस्वती मावि पिपरा भलोहियामा जारी रहेको जिल्ला स्तरिय अध्यक्ष कप अन्तर्गत आजको खेलमा फतुवा विजयपुर नगरपालिकाले टस जितेर गढीमाईलाई व्याटिंगको लागि आमन्त्रण गरेका थिए । गढीमाई नगरपालिकाको टिमले उत्कृष्ट प्रदर्शन गर्दै निर्धारित २० ओभरको खेलमा ६ विकेटको क्षतिमा १७० रनको फराकिलो योगफल तयार पार्न सफल भए । ओपनर विजय यादवले ३७, धर्मेन्द्र पटेलले ३२, नविन पटेल ३० गरेर फतुवा विजयपुरलाई १७१ रनको टार्गेट दिए ।
जवाफी ब्याटिंगमा उत्रिएका फतुवा विजयपुरको २० ओभरमा ४ विकेटको क्षतिमा १४३ रन मात्रै बनाई २७ रनले हार वेहोर्नु परेको आयोजक समितिका बेदानन्द ठाकुरले जानकारी दिए । फतुवा विजयपुरका लागि मुस्ताक अविजित रहदै ७४ रन बनाए तर अर्का खेलाडीहरु रन नबनाउदा हार बेहोर्नु बाध्य भएको ठाकुरले बताए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन