काबुल, एजेन्सी । एक जना अफगान कूटनीतिज्ञले पाकिस्तानमा रहेका अफगान नागरिकलाई पक्राउ गर्ने कार्य तत्काल रोक्न सरकारसँग माग गरेका छन् ।
पाकिस्तानको राजधानी इस्लामावादमा रहेको अफगान राजदूतावासका सहचारी सरदार अहमद शकिबले पाकिस्तान सरकार समक्ष अफगान नागरिकलाई पक्राउ गर्ने कार्य तत्काल रोक्न माग गरेका हुन् ।
शकिबलाई उद्धृत गर्दै अफगानिस्तानको टोलो न्युजले जनाए अनुसार पाकिस्तानमा १ हजार भन्दा धेरै अफगान नागरिक पक्राउ परेका छन् । पछिल्लो समय अफगानिस्तानमा शासन चलाइरहेको तालिबान र पाकिस्तानबीच सम्बन्ध बिग्रिँदै जाँदा पाकिस्तानमा बसोबास गर्दै आएका अफगान नागरिक पक्राउ हुने क्रम तीव्र गतिमा बढेको बताइएको छ ।
‘१०५० अफगान नागरिकहरु पाकिस्तानको जेलमा छन् र उनीहरुलाई रिहा गर्ने प्रक्रिया अघि बढेको छ । हामी पाकिस्तान सरकार समक्ष अफगान नागरिकलाई पक्राउ गर्ने कार्य तत्काल रोक्न आह्वान गर्दछौँ ।’ शकिबलाई उद्धृत गर्दै टोलो न्युजले जनाएको छ ।
पाकिस्तानी जेलमा रहेका अफगान नागरिकका आफन्तले जेलको अवस्था अत्यन्त खराब रहेको बताउने गरेका छन् । पिस फर एसिया नामक संस्थाका अनुसार पाकिस्तानमा अवैधानिक रुपमा बसोबास गर्दै आएका धेरै अफगान नागरिकहरु पक्राउ पर्ने गरेका छन् ।
उनीहरुलाई निष्कासन गर्ने प्रक्रिया लामो र झन्झटिलो भएका कारण धेरै अफगान आप्रवासीको कानूनी प्रक्रिया अदालतमा विचाराधीन रहेका छन् । रोयटर्स
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन