तराई टप संवाददाता
काठमाडौं, १२ वैशाख । जिल्ला प्रहरी परिसर काठमाडौंले समाचार लेखेकै निहुँमा उज्यालो नेटवर्क डटकमका २ जना पत्रकारलाई संचार गृहमा पुगेर पक्राउ गरेको छ ।
जिल्ला प्रहरी परिसर, काठमाडौंबाट खटिएको प्रहरी टोलीले उज्यालो नेटवर्क डटकमका कार्यकारी सम्पादक अनिश तामाङ र महाप्रबन्धक डिएल तामाङ (प्रभात) लाई आईतवार दिउसो पक्राउ गरेको हो ।
काठमाडौं प्रहरीका प्रमुख एसएसपी अशोक सिंहले पक्राउ परेका व्यक्तिविरुद्ध साइबर अपराध, किर्ते र राज्यविरुद्धको अपराध सम्बन्धी कसुर जस्ता अभियोगमा अनुसन्धान हुने बताए । प्रधानमन्त्री केपी शर्मा ओली र भारतीय गुप्तचर संस्था “र” का प्रमुखबीच चारबुँदे गोप्य सहमति भएको भनेर लेखेको हुनाले ति कसुर लागेको एसएसपी सिंहको दाबी छ ।
प्रेस काउन्सिलले स्पष्टीकरण सोधेपछि उज्यालो नेटवर्कले उक्त समाचार हटाएर माफी मागेको थियो । उच्च अदालत, पाटनले पनि समाचारको विषयमा पत्रकारलाई पक्राउ नगर्न अन्तरिम आदेश दिएपनि पक्राउ गरिएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन