जयनगर, १६ माघ । रौतहटको गरुडा नगरपालिका २ स्थित जयनगरमा फर्निचर मेला सुरु भएको छ ।
श्रीपञ्चमीको अवसर पारेर सुरु भएको मेला एक महिना सम्म लाग्ने गर्दछ । जिल्लाभरीका फर्निचर उद्योगमा बनाइएका सामान बिक्रीका लागि सजाइएर राखिएको छ । फर्निचरका सामान हेर्न र खरिद गर्न सर्वसाधरणको भीड लागेको छ ।
मेलामा भारतबाट समेत मानिसहरु समानहरु खरिद गर्न आउने गरेका छन् । बर्सेनि लाग्ने फर्निचर मेलामा विभिन्न जातका काठबाट बनाइएका दराज, कुर्सी, पलङ, टेबल तथा फलामका कृषि औजार राखिएको छ । मेलामा सर्वसाधारणको आकर्षण बढेको शिवनगरका समाजसेवी लालबाबु गिरिले बताए । ‘दुई दशक बढी देखि फर्निचर मेला लाग्दै आएको छ,’ उनले भने, ‘मधेस प्रदेशकै ठूलो फर्निचर मेलाले जिल्लाको शान बढाएको छ ।’
मेलामा सर्लाही, बारा र रौतहटका फर्निचर व्यावसायीहरु आउने गर्छन् । मुख्यगरी मेलामा काठबाट निर्मित फर्निचरको बिक्री हुन्छ । गाउँघरको काठ, प्लाईवुडको प्रयोगले बनेका अधिकांश फर्निचर बजारको तुलनामा मेलामा निकै सस्तो मूल्यमा प्रदान गरिने व्यवसायीको भनाइ छ । मेलाका फर्निचरहरु जनकपुर, पोखरा, काठमाडौ, वीरगंज, सर्लाही, र बारासम्म पुग्ने गरेको पाइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन