तराई टप संवाददाता
काठमाडौं, १४ वैशाख । कोरोना भाइरस संक्रमणको दोश्रो लहर सुरु भएयता नेपाल भरीका ९३ जना नेपाल प्रहरीमा कोरोना संक्रमण पुष्टि भएको छ ।
प्रहरी प्रधान कार्यालय नक्सालमा कार्यरत ४५ जना प्रहरी अधिकारीमा कोरोना संक्रमण पुष्टि भएको प्रहरी वरिष्ठ उपरीक्षक (एसएसपी) बसन्तबहादुर कुँवरले जानकारी दिए । सोमबार सम्म नेपाल भरीमा ९३ प्रहरीहरू संक्रमित भइसकेको उनले स्पष्ट पारे । प्रहरीमा संक्रमित संख्या शुन्य भइसकेको थियो तर अहिले फेरी देखिन थालेको एसएसपी कुँवरले भने । संक्रमितहरुको उपचार भईरहेको बताए ।
महानगरीय प्रहरी कार्यालय रानीपोखरी मातहतका कार्यालयमा २२ जना संक्रमण देखिएको रानी पोखरीका प्रवक्ता तथा प्रहरी उपरीक्षक (एसपी) सुशीलसिंह राठौरले तराई टप अनलाईनलाई जानकारी दिए । रानी पोखरीको मातहतका कार्यालयमा कार्यरत प्रहरी, ट्राफिक प्रहरीमा संक्रमण देखिएको छ । कहीँ एक जना कहीँ दुई जनामा संक्रमण देखिएको उनले भने ।
कोरोना संक्रमणकै कारण केही प्रहरी अधिकारीहरूको मृत्यु समेत भइसकेको छ । पछिल्लो केही समय नेपालमा कोरोना भाइरसको संक्रमण तीव्र गतिमा बढिरहेको हुँदा सचेत एवं सजग भई नेपाल सरकार स्वास्थ्य मन्त्रालयले निर्धारण गरेको मापदण्ड पुरा गरेर मात्रै बाहिर निस्कन प्रहरीले अनुरोध गरेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन