सर्लाही, १५ फागुन । सर्लाहीमा सबैभन्दा धेरै विद्यार्थी पढने जनज्योति माध्यमिक विद्यालय लालबन्दीको नयाँ व्यवस्थापन समिति गठन भएको छ ।
हिजो देखि सुरु भई आज सम्पन्न अभिभावक भेलाले नेकपा एमालेका नेता बलराम पोखरेल अध्यक्ष रहने गरी सर्वसम्मत रुपमा ६ सदस्यीय विद्यालय व्यवस्थापन समिति चयन गरेको हो ।
समितिको सदस्यहरुमा गोपाल प्रसाद घिमिरे, अरुण बराईली, करुणा अधिकारी, सविता भट्टराई र पार्वती भण्डारी कोइराला चुनिएका छन् ।
विद्यालय व्यवस्थापन समितिमा विद्यालय रहेको वडाध्यक्ष सदस्य, १ जना शिक्षक प्रतिनिधि सदस्य र प्रधानाध्यापक सदस्य सचिव रहने व्यवस्था छ । माओवादी नेता मनिष कुमार माझी नेतृत्वको व्यवस्थापन समितिको कार्यकाल सकिएपछि झण्डै डेढ वर्ष यो विद्यालय व्यवस्थापन समितिविहीन रहेको थियो ।
कक्षा १२ सम्म पढाई हुने जनज्योति मा.वि. मा अहिले ३ हजार ६ सय भन्दा बढी विद्यार्थी अध्ययनरत् छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन