श्याम गुप्ता
बारा, ९ चैत । जगदम्बा १३ औं जीतपुर सिमरा गाेल्डकपकाे उदघाटन खेलमा विहिवार बेलुकी आयाेजक नव जनजागृती युवा क्लब र भरतपुर फुटबल क्लब चितवन बिच प्रतिश्पर्धा हुँने छ ।
मोफसल कै प्रतिष्ठत फुटबल प्रतियोगिताको रुपमा स्थापित जगदम्बा १३ औं जीतपुर सिमरा गोल्डकप आज बेलुकीबाट सुरु हुँन लागेको हाे । आयोजक समितिका अनुसार सिमरा रंगशालामा साँझ ५ः३० बजे प्रतियोगिता सुरु हुँने छ ।
फ्लड लाईटमुनी हुँने प्रतियोगिताको उद्घाटन बारा क्षेत्र नं.४ का प्रतिनिधिसभा सदस्य एवंम् पूर्वमन्त्री कृष्णकुमार श्रेष्ठले गर्ने छन् ।
चैत्र १८ गते सम्म सञ्चालन हुँने प्रतियोगितामा “ए” डिभिजन पाँच सहिँत १० टिमको सहभागिता रहँने छ । प्रतियोगितामा एनआरटी, नेपाल एपीएफ क्लब, चर्च ब्वाईज युनाइटेड, सातदो बाटो युथ क्लब, हिमालयन शेर्पा क्लब, बिरगंज युनाइटेड क्लब, मकवानपुर ११, बागमती युवा क्लब, भरतपुर फूटबल क्लब र आयोजक सहभागी रहृेका छन् । एनआरटी प्रतियोगिताको साविक विजेता र एपीएफ उपविजेता हो ।
जीतपुरसिमरा उपमहानगरपालिका मुख्य सहयोगी र जगदम्बा स्टिल्स् प्रालि मुख्य प्रायोजक रहेको प्रतियोगिताको विजेताले १० लाख र उपविजेताले पाँच लाख प्राप्त गर्ने छन् । विधागत पुरस्कार तर्फ सर्वोत्कृष्ट खेलाडीले एक थान मोटरसाइकल, उत्कृष्ट गोलरक्षक, मिडफिल्ड, डिफेन्स, फरवार्ड, प्रशिक्षक, सर्वाधिक गोल कर्ताले जनही २० हजार प्राप्त गर्ने छन्, भने उदयीमान खेलाडीले नगद १५ हजार रूपैयाँ प्राप्त गर्ने आयोजक समितिले जनाएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन