धादिङ, १० चैत । धादिङ जिल्लामा नक्कली जन्मदर्ता बनाएर झुटो विवरणको मद्दतबाट नागरिकता बनाउन खोन्ने अमिर खान सहित तिन जनालाई धादिङ प्रहरीले पक्राउ गरेको छ ।
धादिङको ज्वालामुखी गाउँपालिका वडा नम्वर ६ का श्यामबहादुर नगरकोटी, उनकी श्रीमती हिममाया नगरकोटी र चितवनको रत्ननगर नगरपालिका वडा नम्वर १२ टाँडी घर बताउने अमिर खानलाई धादिङ प्रहरीले पक्राउ गरेको हो ।
५७ बर्षिय नगरकोटी दम्पतीले २२ वर्षीय खानलाई आफ्नो छोरा रोशनी नगरकोटी हो भनी वडा कार्यालयमा झुटो विवरण गरी जन्मदर्ता प्रमाणपत्र बनाएको जिल्ला प्रहरी कार्यालय धादिङका प्रहरी नायब उपरीक्षक सन्तुलालप्रसाद जैसवारले बताए ।
झुटो विवरण पेस गरेर बनाएकै जन्मदर्ताको आधारमा नेपाली नागरिकता (वंशज) प्रमाणपत्रका लागि अनुसुची १ बमोजिमको फारम समेत भरी सकेपछि शंका लाग्दा वडा कार्यालयले प्रहरीलाई खबर गरेपछि अनुसन्धान गर्ने क्रममा झुटो प्रमाणित भएको उनले जानकारी दिए ।
पक्राउ परेका तीनै जनालाई झुटो विवरण पेस गरी जन्मदर्ता प्रमाणपत्र बनाएको कसूरमा मुद्दा दर्ता गरिएको प्रहरी नायब उपरीक्षक जैसवारले जानकारी दिदै धादिङ जिल्ला अदालतबाट शुक्रवार ४ दिनको म्याद थप गरी प्रहरी हिरासतमा राखेर अनुसन्धान भइरहेको छ । अमिर खानको वास्तविक ठेगानाको सम्बन्धमा समेत प्रहरीले गहन अनुसन्धान जारी राखेको डिएसपी जयसवारले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन