तराई टप संवाददाता
रौतहट, १० जेठ । जनता समाजवादी पार्टी नेपाल (जसपा) को केन्द्रिय समितिको समायोजन प्रक्रिया पुरा नहुँदै फुटको संघारमा पुगेको छ ।
जसपा फुटको वेनिफिट काँग्रेस र माओवादी केन्द्रलाई फाइदा पुग्ने विश्वास विश्लेष्कहरुको रहेको हो । त्यसको प्रत्यक्ष असर प्रदेश नम्वर २ सरकारमा पर्ने देखिन्छ ।
जसपाका अध्यक्ष उपेन्द्र यादव र संघीय परिषद् अध्यक्ष डा. बाबुराम भट्टराई समूहले अध्यक्ष महन्थ ठाकुर सहित चार नेतालाई स्पष्टीकरण सोध्ने निर्णय गरे सँगै प्रदेश नम्वर २ को राजनीतिमा तरंग आईपरेको छ । उपेन्द्र–बाबुराम पक्षधर जसपाको कार्य कारणी समितिको बैठकले पार्टी अध्यक्ष महन्थ ठाकुर, नेताहरू राजेन्द्र महतो, लक्ष्मणलाल कर्ण र सर्वेन्द्रनाथ शुक्ललाई स्पष्टीकरण सोध्ने र चित्तबुझ्दो जवाफ नआए पार्टीबाटै निष्कासन गर्ने निर्णय पछि प्रदेश २ को सत्ता समीकरण फेरबदल हुने निश्चित भएको आकलन गर्न सकिन्छ ।
जसपाको एकल सरकार रहेको प्रदेश २ मा ठाकुर र महतो पक्षधर मन्त्रीलाई हटाएर कांग्रेस, एमालेको माधव नेपाल समूह र नेकपा माओवादी माओवादी केन्द्र सम्मिलित गठबन्धनको सरकार निर्माणका लागि छलफल सुरु भईसकेका छन् । तत्कालीन राजपाबाट भौतिक पूर्वाधार विकास मन्त्री बनेका जितेन्द्र सोनललाई हटाउन जसपा अध्यक्ष उपेन्द्र यादवले मुख्यमन्त्री लालबाबु राउत गद्दीलाई निर्देशन दिइसकेको श्रोतले बतायो ।
त्यसैगरी तत्कालीन राजपाबाटै उद्योग, पर्यटन, वन तथा वातावरण राज्यमन्त्री बनेका सुरेश मण्डल, सामाजिक विकास राज्यमन्त्री अभिराम शर्मा, भौतिक पूर्वाधार विकास राज्यमन्त्री डिम्पल झालाई पनि हटाउने तयारी भईरहेको बताइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन