रौतहट, २३ चैत । दुर्गा भगवती गाउँपालिकाको प्रमुख प्रशासकीय अधिकृतको रुपमा नितेसकुमार झाले बुधवार देखि कार्यभार सम्हालेका छन् ।
मालपोत कार्यालय गौरमा कार्यरत शाखा अधिकृत झाको सरुवा दुर्गा भगवती गाउँपालिकाको कार्यालयमा प्रमुख प्रशासकीय अधिकृतको रुपमा भएपछि उनी आज गाउँपालिकाको कार्यालयमा उपस्थित भई कार्यभार सम्हालेका हुन् ।
गाउँपालिकाको कार्यालयमा गापा अध्यक्ष शम्भु सिंहले नयाँ प्रशाकीय अधिकृत झालाई स्वागत गर्दै फुलमाला, अविर, खादा ओढाउनुको साथै मिठाई खुवाई सधैभरी यसपालिकाको काममा मिठास बनिरहोस भने कामना गरे । गाउँपालिकाको जनताहरुलाई समयमै सरल र छरितो रुपमा विना झन्झट सेवा प्रदान गर्नुका साथै पालिका भित्रको विकास निर्माणका कार्यहरुलाई अगाडी बढाउने कार्यमा सधै सकारात्मक भुमिका निर्वाह गर्न उनले झालाई सलाह दिदै उनको सफल कार्यकालको लागि शुभकामना दिए ।
तत्कालिन प्रमुख प्रशासकीय अधिकृत ओमप्रकाश यादवको यमुनामाई गाउँपालिकामा सरुवा भई त्यता तर्फ लागेपछि झाको दुर्गा भगवतीमा सरुवा भई आज हाजिर हुन आउदा उपमेयर शिलादेवी यादव सहितका निर्वाचित वडाध्यक्षहरु, वडासदस्यहरु तथा कर्मचारीहरुले स्वागत गरेका थिए ।
प्रमुख प्रशासकीय अधिकृत झाले आफू नियमकानुनको परिधी भित्र रहेर जनताको सेवामा हरदम तत्पर रहदै कार्यालयको कामकाजमा पूर्ण सकारात्क रहने प्रतिबद्धता जनाए ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन