तराई टप संवाददता
रौतहट, १२ जेठ । पछिल्लो २४ घण्टामा २६ जना थप कोरोना संक्रमित विरामी भएको पुष्टि भएको छ ।
गौर अस्पतालमा पिसिआर प्रविधिद्धारा २१२ जनाले स्वाव परिक्षण गराउदा २६ जना कोरोना संक्रमित भएको जिल्ला प्रशासन कार्यालय रौतहटले पुष्टि गरेको हो । कोरोनाको दोश्रो लहर फैलिएको वैशाख १ गते देखि अहिले आज सम्म १०३२ जनार्ला कोरोना भाइरस लागेको जस मध्ये २३८ जना महिला तथा पुरुष भाग्यमानीहरु कोरोनाको जंग जितिसकेको प्रमुख जिल्ला अधिकारी इन्द्रदेव यादवले जानकारी दिए ।
७४८ जना सक्रिय संक्रमितहरु रहेको छ । ७१७ जना होम आइसोलेसनमा, २७ जना साधारण उपचार गराईरहेको र ४ जना बाहिरी जिल्लामा उपचारार्थ रहेको जानकारी दिदै प्रजिअ यादवले १७ जना गौर अस्पताल, ८ जना शहिद पार्क अस्पताल चन्द्रपुर, १ जना चण्डिया हेल्थ पोष्ट र १ जना प्राथमिक स्वास्थ्य केन्द्र गंगापपिरामा उपचार गराइ रहेको समेत जानकारी उनले दिए ।
रौतहटमा रहेको १८ स्थानिय तहहरु मध्ये सबैभन्दा बढि चन्द्रपुर नगरपालिकामा १४६ जना र सवैभन्दा कम संक्रमित ७ जना इशनाथ नगरपालिकामा रहेको जिल्ला प्रशासन कार्यालय रौतहटले जनाएको छ ।
यसैगरी पछिल्लो २४ घण्टामा एक महिला सहित ६ जनालको कोरोनाबाट मृत्यु भएको छ । कोरोनाबाट मृत्यु हुनेको संख्या रौतहटा ८६ पुगेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन