रौतहट, १७ बैशाख । रौतहट जिल्लाका महिला क्रिकेट खेलाडीहरुको लागि १५ दिने प्रशिक्षण कार्यक्रम सम्पन्न भएको छ ।
गौर नगरपालिकाको सहयोगमा आयोजना गरिएको सो प्रशिक्षणमा १६ भन्दा बढी महिला खेलाडीहरुले प्रशिक्षण लिएका थिए ।
महिला क्रिकेटको स्तर अभिवृद्धिका लागी सो प्रशिक्षण आयोजना गरिएको थियो ।
रौतहट जिल्लाबाट प्रतिनिधित्व गर्दै यस अघि मधु राउत, मोनिका साह, चान्दनी खातुन र भूमि सिंहले प्रदेश तथा राष्ट्रिय स्तरका प्रतियोगिताहरु खेलीसकेका छन । १५ दिनको प्रशिक्षणका लागि प्रदेशको महिला क्रिकेट टिमका क्याप्टेन कविता गौतमले खेलाडीहरुलाई चार दिन र रोजि कडारीले ११ दिन सम्म तालिम दिएकी थिइन ।
तालिमको समापन कार्यक्रमलाई सम्बोधन गर्दै गौर नगरपालिकाका मेयर शम्भू साहले खेलको माध्यमबाट खेलाडीहरुले नगरपालिकाको नाम उच्च राख्ने विश्वास व्यक्त गरे । खेलाडीहरुको क्षमता बढाउन विभिन्न समयमा यस्ता तालिमहरु आगामि दिनमा पनि राख्ने उनले प्रतिवद्धता जनाए ।
“खेल र खेलाडीका लागी आवश्यक पूर्वाधार र प्रतियोगिताहरुको लागी नगरपालिकाले आफ्नो अवस्थाले भ्याए सम्म सहयोग गर्नेछ ।” मेयर शम्भू साहले भने “राइसमिलको खेलमैदानलाई व्यवस्थीत बनाउन पनि नगरपालिको काम गरिरहेको छ ।” खेलाडीहरुका लागी उनले खेलकुद सामग्री तथा पोशाक समेत वितरण गरेका थिए ।
१५ दिनको प्रशिक्षणले खेलाडीहरुको क्षमता बढेको र आगामी दिनमा हुने प्रतियोगिताहरुका रौतहटले सुखद नतिजा ल्याउने आशा रहेको प्रशिक्षक रोजी कडारीले बताइन । प्रशिक्षणका क्रममा बलिङ्ग, ब्याटिङ्ग लगायत समग्र विधाहरुमा आफुहरुले नयाँ ज्ञान पाएको खेलाडी मोनिका साहले बताइन ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन