काठमाडौं, १९ वैशाख । गुल्शन झा र भीम सार्कीको धर्यताको कारण नेपाल एशिया कपमा खेल्ने सपनालाई साकार पार्न सफल भएका छन् ।
यूएईले जितको लागि दिएको ११८ रनको लक्ष्यलाई नेपालले ३०.३ ओभरमा ३ विकेट गुमाई विजयी लक्ष्य पार गर्दै एशिया कपमा खेल्ने सपना साकार भएका हुन् ।
गुल्शन झाले अविजित ६७ रन र भीम सार्कीले अविजित ३६ रन बनाएर नेपाललाई यूएई माथि ७ विकेटले जित दर्ज गर्दै भारत, पाकिस्तान संगैको ग्रुपमा खेल्न नेपाली क्रिकेटले ठूलो उपलब्धी हाँसिल गर्न सफल भएका छन् ।
यूएईलाई ७ विकेटले हराउँदै नेपालले नेपालले एसीसी प्रिमियर कपको उपाधि जितेको छ ।
आइतबार टस हारेर ब्याटिङको निम्तो पाएको युएईले २७.३ ओभरमा १०६ मा ९ बनाएको अवस्थामा वर्षाले खेल रोकिएको थियो । सोमबार त्यहीबाट अघि खेल्न थालेको यूएईले थप ११ रन जोड्दा अलआउट भए ।
११८ रनको सामान्य लक्ष्य पछ्याएको नेपालको सुरुवात भने धेरै खराव भयो । दोस्रो ओभरको पहिलो बलमै ओपनर कुशल भुर्तेल व्यक्तिगत एक रनमा आउट भए, जतिबेला नेपालको स्कोर पनि एक मात्र थियो । तेस्रो नम्बरमा गुल्शन झा ब्याटिङका लागि आए । उनीसँग १८ रनको साझेदारी गरेका आसिफ शेख ८ रनको व्यत्तिगत स्कोरमा सातौं ओभरको पहिलो बलमै आउट भए । त्यसपछि नेपाली टिमको कप्तान रोहितकुमार पोडेल आउट भएपछि नेपाल ठूलो दबावमा परेको थियो । तर गुल्शन झाले भीम सार्कीसँग मिलेर नेपाललाई जिताए । दुवैले चौथो विकेटका लागि अविजित ९६ रनको साझेदारी गरे । ८४ बलको सामना गरेका गुल्शनले तीन चौका र ६ छक्का हाने । ७२ बलमा अविजित ३६ रन बनाएका भीमले पनि चार चौका हानेका थिए । गुल्शन झालाई म्यान अफ दि म्याचको पुरस्कारबाट पुरस्कृत गरियो ।
एशिया कपको लागि नेपाली टोली छनौट भएको छ । एशिया कपमा दुई समुह विभाजन गरिएको छ । पहिलो समुहमा भारत, पाकिस्तान र नेपाल तथा दोश्रो समुहमा बंगलादेश, श्रीलंका र अफगानिस्तान रहेका छन् । नेपाली टिमको जीतमा टिमको मुख्य प्रशिक्षक मोन्टी देशाईको ठूलो योग्यदान रहेका छन् । नेपालले १ रनमा पहिलो विकेट गुमाएपछि गुल्शन झालाई पठाएको निर्णय नेपालको लागि सहित सबित भयो र गुल्शन झाले एतिहासिक पारी खेल्दै नेपाली इतिहासमा आफनो नाम स्वर्णीम अक्षरले लेखाउन सफल भए । वेलडन गुल्शन, वेलडन नेपाली क्रिकेट टिम सबैलाई तराई टपले बधाई छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन