रौतहट, १७ असोज । गत १२ बर्ष अघि रौतहटको राजपुरमा भएको बम काण्डमा आरोपित प्रतिवादी फरार रहेको व्यक्तिलाई प्रहरीले पक्राउ गरेको छ ।
रौतहटको बौधीमाई नगरपालिका–७ स्थित नेपाल–भारत सीमाको बड्की बंकुल क्षेत्रबाट बाराको सिम्रौनगढ नगरपालिका वडा नं. ४ का ५५ बर्षीय बद्री सहनीलाई प्रहरीले पक्राउ गरेको हो । नेपाली काग्रेसका नेता अफ्ताब आलम पक्राउ परेपछि सहनी फरार भई भारतको मुजफ्फपुुर क्षेत्रमा लुकिछिपि बस्दै आएको प्रहरी स्रोतले जनाए ।
भारतीय स्पेशल टास्क फोर्सको सहयोगमा उनलाई शुक्रबार साँझ पक्राउ गरेर नेपाल ल्याइएको प्रहरीले जनाएको छ । प्रदेश प्रहरी कार्यालय जनकपुरधाम र जिल्ला प्रहरी कार्यालय बाराको संयुक्त टोलीले सहनीलाई सिमावर्ति क्षेत्रबाट पक्राउ गरेको हो । भारतबाट नेपाल प्रवेश गरिरहेको विशेष सूचनाको आधारमा सहनीलाई पक्राउ गरिएको प्रदेश २ का प्रहरी प्रमुख डीआईजी धीरजप्रताप सिंहले बताए ।
घटना हुँदाको अवस्थामा सहनी इँटाभट्टाको हेड मिस्त्रीको रुपमा रहेको प्रहरीको प्रारम्भिक अनुसन्धनबाट खुलेको बताए । २०६४ चैत २८ मा संविधानसभा निर्वाचनको पूर्व संध्यामा राजपुर स्थित शेख इद्रिसको गोठघरमा बम बनाउन लगाएको र त्यसक्रममा विस्फोट भएको थियो । विस्फोटमा परी श्रीनारायण सिंहका छोरा पिन्टु भनिने त्रिलोकप्रताप सिंह संगै तिन जनाको मृत्यु तथा १५–१६ जना घाइते भएको गरी २३ जनालाई इटाभटामा हालेर प्रमाण नष्ट गर्ने प्रयास गरिएको थियो ।
घटनापछि मृतक र घाइतेलाई इँटा भट्टामा हालेर जलाएको भन्दै श्रीनारायण राजपुतले दिएको जाहेरीका आधारमा प्रहरीले २६ असोज २०७६ मा कांग्रेस नेता आलमलाई पक्राउ गरेको थियो । उनी हाल पुर्पक्षका लागि थुनामा छन् । आलम पक्राउ परेको एक वर्ष पछि हेडमित्री सहनीले पक्राउ परेका हुन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन