तराई टप संवाददाता
रौतहट, २२ असार । गौर – पिपरा– समनपुर सडक खण्डको दुर्गा भगवती गाउँपालिकाको सिमानामा पर्ने झाँझ खोलामा पक्कि पुल बनाउन ठेक्का लिएका निर्माण व्यवसायी फरार भएका छन् ।
तत्कालिन पुल विभागबाट साढे २ करोडको लागिमा निर्माण कार्य सम्पन्न हुने पक्कि पुलको लागि २०७०÷०७१ सालमा ठेक्का सकार गरेका निलगिरी नेशनल क्यान् जिभी काठमाण्डौको निर्माण व्यवसायी गौरव पुडासैनी फरार भएको डिभिजन सडक कार्यालय चन्द्रपुरले जनाएका हुन् ।
तिन वटा स्पान रहेको उक्त पुल निर्माण ठेक्का लिएपनि निर्माण कम्पनीका प्रोपराइटर पुडासैनीले कछुवा गतिमा काम सुरु गरे । तिन बर्षमा फाउण्डेसनको काम पनि पुरा गर्न नसकेर काम छाडी फरार भएको प्राविधिक कर्मचारीहरु बताउँछन् । पटक पटक डिभिजन सडक कार्यालयबाट पत्राचार गरिएपनि सम्पर्कमा नआउदा उक्त निर्माण कम्पनीलाई कालो सुचीमा राखी ठेक्का तोड्ने प्रक्रियामा जानु बाहेक कुनै विकल्प नरेको सो कार्यालयले जनाए ।
पुल बनाउन ठेक्का लिएको सो कम्पनीले पुलको नाममा झारो टार्ने काम गरेको सडक डिभिजन कायृलय चन्द्रनिगाहपुरका प्रमुख नरेश प्रसाद केसरीले जानकारी दिए । सो सडक खण्डको पुलको काम नभएका कारण स्थानीयलाई गौर पिपरा आवत जावतमा समस्या भईरहेको स्थानीय समाजसेवी एवं राजनितिकर्मी श्यामचन्द्र झाले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन