रौतहट, २३ असार । कोपा अमेरिका फुटबलको सेमिफाइनलमा कोलम्बियालाई पेनाल्टी सुटआउटमा हराउदै अर्जेन्टिना फाइनलमा प्रवेश गरेको छ ।
बुधवार विहान भएको दोश्रो सेमिफाइनलमा कोलम्बियालाई पेनाल्टी सुटआउटमा दुईका विरुद्ध तिन गोल हानेर अर्जेन्टिना फाइनलको यात्रा तय गरेको हो । उपाधिका लागि आयोजक राष्ट्र ब्राजिल संग प्रतिस्पर्धा हुने छ ।
ब्रासिलिया स्थित नासिओनल स्टेडियममा भएको खेलको निर्धारित समयमा १–१ को बराबरीमा सकिएपछि खेललाई नजिता दिन पेनाल्टी सुटआउट भएका थिए । खेलको सातौ मिनेटमै लिओनल मेस्सीको पासमा लाउटारो मार्टनिजले गोल गर्दै अर्जेन्टिनालाई अग्रता दिलाए । तर ६२ औं मिनेटमा कोलम्बियाका लुइस डियाजले एडविन कार्डोनाको पासमा बराबरी गोल फर्काएको थियो ।
९० मिनेटको खेल बराबरीमा टुंगिदा पेनाल्टी सुटआउट सुरु भए जहाँ अर्जेन्टिनाका लागि चार खेलाडीले पेनाल्टी प्रहार गर्दा ३ खेलाडीले गोल गरे । कोलम्बियाले पाँच पेनाल्टी प्रहार गर्दा दुई प्रहार मात्र गोल भयो ।
अर्जेन्टिनाका गोलकिपर मार्टिनेजले तीन पेनाल्टी बचाए । मार्टिनेजले डेभिडसन सान्चेज, येरी मिना र एडविन कार्डोनाको पेनाल्टी प्रहार बचाए । कोलम्बियाका जुवान कुड्राडो र मिगुएल बोर्जाले मात्र गोल गरे ।
अर्जेन्टिना सन् २०१६ पछि फाइनलमा पुगेको हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन