रौतहट, २५ साउन । मध्य रौतहटको गरुडा नगरपालिकामा अवस्थित श्रीराम सुगर मिल्सको व्यवस्थापन पक्षको मिलोमतोमा लिलाम गराएको प्रक्रियालाई बदर गराउन उखु उत्पादक संघ रौतहटले भदौं २ गते वृहद किसान भेलाको आयोजना गर्ने भएका छन् ।
उखु उत्पादक संघका अध्यक्ष अशोक प्रसाद यादवले साउन २७ गते गरुडा स्थित सुगर मिल्सको मैदानमा किसान भेलाको तिथिमिति तय भएका थिए तर प्रतिकुल परिस्थितिका कारण उक्त मितिमा भेला गर्न कठिनाईरहेको हुँदा भदौं २ गते शनिवारका दिन गरिने जनाएका हुन् ।
साउने झरीका कारण सुगर मिल्सको मैदानमा पानी जमेको हुँदा एक सातको समय बढाएर भदौं २ मा सारिएको समस्त किसान अगुवाहरुलाई जानकारी गराइन्छ । उक्त भेलामा समस्त किसानहरु, व्यापारीहरु, स्थानीय तहका प्रमुखहरु, जनप्रतिनिधिहरु, नागरिक समाज र स्थानीयहरुको उपस्थिति अनाधिकृत तवरबाट लाखौं किसानलाई क्षति हुने गरी श्रीराम सुगर मिल्सलाई लिलाम गरिएका कार्यलाई बदर गराउन चरणबद्ध संघर्षका कार्यक्रम उक्त वृहद किसान भेलाबाट तय गरिने उखु उत्पादक संघ रौतहटका अध्यक्ष अशोक यादवद्धारा हस्ताक्षरित विज्ञप्तीमा उल्लेख गरिएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन