काठमाडौं । नेपाली काँग्रेसका संघिय साँसद सुनिल शमालाई नेपाल प्रहरीको केन्द्रीय अनुसन्धान ब्युरोले किन पक्राउ गर्यो सन्दर्भलाई लिएर पार्टीका नेताहरु सशंकित बनेका छन् ।
पछिल्लो समयमा सुन तस्करी प्रकरणमा ‘कडा’ रुपमा प्रस्तुत हुदैँ आएका सांसद शर्मालाई झन्डै ३० बर्ष अघिको नक्कली सर्टिफिेकट प्रकरणमा हाल पक्राउ गरे पछि सत्तारुढ कांग्रेसका नेताहरु नै आक्रोशित बनेका हुन् ।
कांग्रेसका प्रभावशाली नेता अर्जुननरसिंह केसीले सो पक्राउ प्रकरणलाई लिएर ‘सुन तस्कर’ हरुलाई प्रोत्साहन गरेको त होइन ? भन्ने आशंका ब्यक्त गरे ।
‘भारतको बीडीबीकेएस कलेज बाट १९९६ मा आईएससी उत्तीर्ण गरेको प्रमाण–पत्र बारे को छानबिन ‘अपरेशन क्वाक’ ले ७ वर्ष अघि नै अनुसन्धान सुरु गर्यो र छाड्यो, त्यही केस हाल आएर सिआईवि ‘फोक्सट्रोट चार्ली’ अपरेसनले माननीय शर्मालाई पक्राउ गरेको छ,’ केसीले सामाजिक सञ्जालमा भनेका छन, ‘संसदमा सुन तस्करी काण्ड विरुद्ध सशक्त आवाज उठाउँदै अर्थमन्त्री र गृहमन्त्रीको राजीनामा मागकै कारण यो प्रकरण पुनः युद्धस्तरमा ताते को हो ? या संयोग मात्रै हो ? यो गम्भीर र आम चासोको विषय बनेको छ ।’
दुई दिनपछि शर्मालाई रिहा गर्न अदालतले आदेश दिएपछि संघिय संसदमा साँसद शर्माले वर्तमान सरकारको कार्यशैलीको चर्को आलोचना गर्दै गृह मन्त्रीको राजिनामाको माग जोडदार रुपमा उठाए ।
प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट