सुन तस्करी प्रकरणमा सीआइवीको नियन्त्रणमा रहेका तिन चिनियाँ नागरिक भारतमा पनि सुन तस्करी गर्ने गरेको खुलासा

58 Shares

हङकङबाट तस्करी गरेर ल्याएको ६० किलो ७ सय १६ ग्राम सुन तस्करीमा अहिलेसम्म ३ जना चिनियाँ नागरिकको मुख्य भूमिका देखिएको छ । प्रहरीको केन्द्रीय अनुसन्धान ब्युरो ‘सिआईबी’का अनुसन्धान अधिकृतहरूका अनुसार तिब्बतियन मूलका बेल्जियन नागरिक दावा छिरिङभन्दा माथिल्लो लेयरमा ३ जना चिनियाँ संलग्न छन् ।उनीहरू हुन्, याओ पुचेङ्ग र ली वेन सुङ्ग छन् र जिक्वान लिन । उनीहरू भारतमा पनि सुन तस्करीमा संलग्न रहेको अनुसन्धानबाट थाहा भएको छ । भारतको राजस्व अनुसन्धान निर्देशनालय (डीआरआई)ले सञ्चालन गरेको अपरेसन ‘गोल्डेन ट्याप’ र ‘मोल्टेन मेटल’ मा उनीहरू संलग्न देखिएका हुन् ।

सुनको धारा बनाएर हङकङबाट गरिने सुन तस्करी विरुद्धको अपरेशनलाई डीआरआईले ‘गोल्डेन ट्याप’ नाम दिएको थियो । एयर कार्गो रुटबाट हङकङ हुँदै दिल्लीमा हुने सुन तस्करीविरुद्ध डीआरआईले ‘मोल्टेन मेटल’ अपरेसन सञ्चालन गरेको थियो ।

ती दुईवटा अपरेशनले अहिले पक्राउ गरिएका ३ जना चिनियाँलाई कारबाही गरेको भेटिएको अनुसन्धानमा संलग्न एकजना अधिकृतले बताए । ती अधिकृत भन्छन्–‘डीआरआईले राजस्व चुहावटसम्बन्धी मुद्दा चलाएको र त्यसमा छुटेपछि उनीहरू पुनः तस्करीमा लागेको खुलेको छ ।’

याओ पुचेङ्ग सुन तस्करीको समूहमा ‘एलेक्स’ नामले चिनिन्छन् । उनी २०७६ असोज २ मा नयाँ दिल्लीस्थित इन्दिरा गान्धी अन्तर्राष्ट्रिय विमानस्थलबाट पक्राउ परेका थिए । त्यसबेला डीआरआईको टोलीले पुचेङ्गको साथबाट ६ किलो सुन बरामद गरेको थियो ।

इन्दिरा गान्धी अन्तर्राष्ट्रिय विमानस्थलबाट २०२२ मे महिनामा डीआरआईले ‘गोल्डेन ट्याप’ अपरेसन सञ्चालन गरेर ६१ किलो ५ सय ग्राम सुन बरामद गरेको थियो । अहिले काठमाडौँमा बरामद गरिएको सुनको तस्करी शैली र एयर कार्गो रुटबाट हङकङबाट हुँदै दिल्लीमा गरिने तस्करीको शैली समान देखिएको छ ।

भारतमा सुन तस्करीमा संलग्न भएर छुटेका ३ जना चिनियाँको अनुसन्धानमा सहयोग गर्न सीआईबीले प्रहरी प्रधान कार्यालयमार्फत ‘इन्टरपोल भारत’ र ‘इन्टरपोल हङकङ’सँग पत्राचार गरेर सहयोग मागेको छ ।

ली वेन सुङ्गलाई सुन तस्कर समूहले ‘अलि’ भनेर बोलाउँछन् । एलेक्स, अलि र जीक्वाङ लिन २०१९, २०२१ र २०२२ मा भारतमा सुन तस्करीमा संलग्न देखिएको अनुसन्धानमा संलग्न केन्द्रीय अनुसन्धान ब्युरोका एक जना अधिकृतले बताए ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।