रौतहट, १९ भदौं । रौतहट जिल्लाको प्रमुख नदीबाट निकालिएको खोलाजन्य बस्तुको भण्डारण गरिएपनि सम्बध निकायद्वारा स्टक परिक्षण नै नगराई धमाधम विक्री वितरण गर्दै आएका छन् ।
त्यती मात्रै नभई पुर्व पश्चिम राजमार्ग भन्दा उत्तरी क्षेत्रमा रहेका चरे पहाडको फेदीबाट ठूलठूला ढुंगाहरु संकलन गरेर चाँग लगाउने कार्य अबैध रुपमा भएको छ तर त्यसलाई रोकथाम एवं चाँग लगाउने व्यक्तिहरुलाई सम्बध निकायले कारवाहीको प्रक्रियामा नजाँदा कतै सम्बध निकायको मिलोमतोमा यस्ता गैर कानुनी कार्यले प्रश्रय पाएको त होइन् भने सर्वसधारणहरुले यतिखेर प्रश्न चिन्ह खडा गरेका हुन् ।
चन्द्रपुर नगरपालिका वडा नम्बर ३ गैँडाटार स्थित चुरे फेदीमा रहेका चाँदी नदी किनारमा ढुंगा थुपार्दे तस्करीको धन्धा संचालन गरिदै आएका छन् । नदी या खोलाबाट ढुंगा अवैध रुपमा निकासी गरी अनाधिकृत रुपमा निषेधित क्षेत्रबाट केही ढुंगाको कारोवारीहरु आर्थिक लाभ उठाइरहेको पाइएका हुन् ।
चुरे क्षेत्रबाट दैनिक दर्जन ट्रेक्टरमा ढुंगा चोरी निकासी हुँदा राष्ट्रपति चुरे संरक्षण कार्यक्रमलाई प्रभावित हुँदै गएको आरोप त्यहीका बासिन्दाहरुले लगाएको छ । राष्ट्रपति चुरे सरक्षण कार्यक्रम सञ्चालन रहेको क्षेत्रमा ढुंगा तस्करी भने रोकिएको छैनन्, उक्त कार्यमा सबै सम्बध निकायहरुको आन्तरिक साँझ गाँठ रहेको श्रोतले बताए ।
चुरे क्षेत्रबाट यस्ता ढुंगा संकलन गर्न कार्यमा सक्रिय रहेका व्यक्तिहरुले सर्वसधारणहरुलाई कहि कतै बोल्यो भने परिणाम राम्रो नहुने धम्की दिने गर्दा लागेका कारण ढुंगा तस्करी अहिले तिव्र गतिमा बढेको ति श्रोतले बतायो ।
वन उपभोक्ता समिति, डिभिजन वन, स्थानीय तह लगायतका सरोकारवाला निकायले चासो नदिँदा ढुंगा तस्करी बढेको स्थानीयको आरोप छ । जिल्लाको धन्सर खोलादेखि बागमती सम्म करिब ३० किलोमिटर चुरे क्षेत्रमा २०६७ सालदेखि चुरे संरक्षण कार्यक्रम संचालनमा छ । यसरी ढुंगा तस्करी गर्ने ट्रेक्टर मकवानपुर र रौतहटका रहेको पाइएका छन् ।
यसैगरी रौतहटको वृन्दावन, चन्द्रपुर लगायतका विभिन्न स्थानमा संचालनमा रहेका क्रशर उद्योगहरुले असार अगावै खोलाजन्य बस्तुहरुको भण्डारण गरी अहिले विना अनुमतीको विक्री वितरण गर्दै आएको आरोप समेत लागेको छ । भण्डारण गरिएका मालबस्तुहरुको जिल्ला अनुगमन समितिबाट स्कट मूल्याँकन गराएर मात्रै विक्री वितरण गर्ने प्रावधान रहेपनि भदौंको तेश्रो साता वित्न लाग्दा समेत स्टक परिक्षण नहुनुको पछि कतै आर्थिक चलखेल त होइन स्थानीयले सम्बध निकाय तर्फ प्रश्न चिन्ह खडा गरेका छन् ।
गत साता यसैविषयलाई लिएर टेलिभिजनका पत्रकार राकेश यादव वृन्दावनको शिवम क्रशर उद्योगमा रिर्पोटिंगको शिलशिलामा पुग्दा त्यहाँ परिचालित लठैतहरुले हातपात गर्दै क्यामरा तोडफोड समेत गरिए तर अबैध रुपमा विक्री वितरण भईरहेका क्रशर उद्योगलाई कारवाहीको कुनै प्रक्रिया अगाडी बढेन ।
चुरे क्षेत्रमा भईरहेको अबैध संकलन कार्यलाई नियन्त्रण गर्न डिभिजन वन कार्यालय, इलाका प्रहरी कार्यालय चन्द्रपुर र स्थानीय तहले खासै ध्यान दिएको छैनन् । त्यस्तै जिल्ला अनुगमन समितिको संयोजकमा जिल्ला समन्वय समितिका प्रमुख, प्रजिअ, नेपाल प्रहरी र सशस्त्र प्रहरीका एसपी सहित सम्बध पालिकाको प्रमुख रहेको तर ढुंगा संकलन र विक्री वितरण भईरहदा पनि सम्बध निकायहरुको ध्यान नजानु निकै विडम्बना रहेको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन