रौतहट, २५ भदौं । एशोसिएसन अफ नेपाल तराई इन् अष्ट्रेलिया (एन्टा) को उपाध्यक्षमा रौतहट गरुडाका परमानन्द साह चयन भएका छन् ।
रौतहट जिल्लाका गरुडा निवासी स्वर्गीय बच्चुप्रसाद साहको छोरा हाल अष्ट्रेलियाको रिभरस्टोनमा बसोबास गर्दै आएका साह एशोशिएसन अफ नेपाल तराई इन् अष्ट्रेलिया (एन्टा) को उपाध्यक्षमा सर्बसहमतिले चयन भएका हुन् ।
गरुडा निवासी रहेका साहका बुवा स्वर्गीय बच्चु प्रसाद साह पनि एउटा कुसल र सफल ब्यबसायी थिए । सन् २०१३ मा अष्ट्रेलिया पुगेका प्रमानन्द आफ्नो मेहनत र लगनशीलताले छोटो समयमा एक सफल व्यवसायी बन्न सफल भए । उपाध्यक्षमा निर्वाचित साह अष्ट्रेलियामा नेपाली समुदायका एक सफल युवाको रुपमा प्रख्यात व्यवसायी हो ।
सिड्नीको ग्रयान्भिलमा १० सेप्टेम्बरमा भएको वार्षिक साधारणसभाबाट साह लाई सर्वसम्मति बाट उपाध्यक्ष पदमा चयन गरिएको बताइएको छ । अध्यक्ष पदका लागि अन्य २ जनाले मनोनयन दर्ता गराए पनि उपाध्यक्ष पदमा साह एकल उमेदवार रहेका थिए । साहको कार्यसमितिमा सबै पदाधिकारी सर्वसम्मत भएको बताइएको छ ।
अष्स्ट्रेलियाका युवा व्यवसायी तथा क्लिनिङ, कन्स्ट्रक्सन, रेष्टुरेन्ट र हाउजिङको व्यापार रहेका तथा सफल ब्यबसायी रञ्जिपत साह अध्यक्षमा निर्वाचित भएका छन् । यस्तै समितिको महासचिबमा विकास झा, कोषाध्यक्षमा सुरेन्द्र साह र कार्यक्रम संयोजकमा राकेश साह सर्वसम्मत भए छन् ।
सहकोषाध्यक्षमा रंजित दास चयन भएका छन् । कार्यसमिति सदस्यमा आरती साह, मोहम्मद सैफअली खान, प्रिया गुप्ता र विजयकुमार साह रहेका छन् । एशोशिएसन अफ नेपाल तराई इन् अष्ट्रेलिया (एन्टा) अष्ट्रेलियाको न्युसाउथ वेल्स राज्यमा दर्ता भएको मधेसीहरुको पहिलो र सबैभन्दा पुरानो संस्था हो ।

प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट