भारतीय टेलिभिजन रियालिटी शो ‘बिगबोस’ को १७ औं सिजन असोज २८ गते देखि प्रसारण हुँदैछ ।
बलिउड अभिनेता सलमान खानले होस्ट गर्ने यो टिभी शो लाई लिएर दर्शक माझ उत्साह बढेको हो । कलर्स टेलिभिजनले टिजर सार्वजनिक गर्दै नयाँ सिजनको घोषणा गरेको छ । यस संस्करणको थिम राखिएको छ, ‘यसपटक गेम हुने छैन, सबैको लागि बराबर हुनेछ ।’
बिगबोसको ओटीटी सिजन २ प्रसारण सकिएको केही महिनामै टेलिभिजन संस्करण आउन लागेका छन् । नयाँ टिजरमा सलमानको नयाँ अवतार पनि प्रस्तुत गरिएको छ । उनको छोटो कपालको लुक्स फ्यान माझ चर्चाको विषय बनेको छ ।
शो सुरु नहुँदै भारतीय सञ्चारमाध्यमले नयाँ सिजनमा सहभागी हुने प्रतिस्पर्धीको नाम बाहिर ल्याएका छन् । जसमा इशा माल्विया, सफाख नाज, अंकिता लोखण्डे र उनका पति विकी जैन, हर्ष बेनवाल, ऐश्वर्या शर्मा र नील भाट, सचिन मीना र सीमा हैदर, वेविका धुर्वे, सन्दीप शिखन्ड, अन्जुम फेख, अरजित तनेजा, अवेज दरबार, अन्जली अरोरा र मुनावर फारुखलाई रहेको जनाइएको छ ।
यो टिभी शो भारतमा मात्र नभएर नेपालमा समेत चर्चित छ । बिगबोस ओटीटीको सिजन २ लाई जियो सिनेमा एपमा २३ मिलियन दर्शकले हेरेको र यो विश्वमै उच्च संख्या रहेको जनाइएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन