रौतहट, १० साउन । कोरोना भाईरसको तेश्रो लहर चाँडै आउन सक्ने भन्दै विशेषज्ञहरुद्धारा सतर्कता अपनाउन भारतीय सरकारको ध्यानाकर्षण गराएका छन् ।
भारतमा तेश्रो लहरको जोखिम उच्च हुने भन्दै भारतीय विशेषज्ञहरुले आवश्यक सतर्कता अपनाई तयारी गर्न भारतीय सरकारलाई सुझाव दिएका हुन् । उनीहरुले भारतमा तेश्रो लहर आउने जोखिम भएको भन्दै कोरोनाको दैनिक संक्रमितको संख्या ५० हजार भन्दा कममा नै राख्न आवश्इक कदम चाल्न सुभाव दिए ।
दैनिक नयाँ संक्रमितको संख्या ५० हजार नाघेको अवस्थामा संक्रमण नियन्त्रण गर्न निकै कठिन हुने उनीहरुले भनेका छन् । विशेषज्ञहरुले भारतमा नयाँ लहर आए दैनिक चार देखि पाँच लाख सम्म नयाँ संक्रमित भेटिन सक्ने चेतावनी दिएका छन् । त्यसका लागि सरकारले अहिले देखि नै तयारी थाल्नु पर्ने बताए । यस अघि नै विशेषज्ञहरुले तेस्रो लहर सेप्टेम्बर वा अक्टोबर सम्ममा आउन सक्ने बताइसकेका छन् ।
भारतको स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा कोरोनाका ३९ हजार भन्दा धेरै नयाँ संक्रमित फेला परेका छन् । लामो समयदेखि भारतमा कोरोनाका नयाँ संक्रमित दैनिक ४० हजारको हाराहारीमा रहेको छ ।
भारतमा कोरोना संक्रमणको कारण पछिल्लो २४ घण्टामा ५३५ जनाको मृत्यु भएको छ । भारतमा कोरोना संक्रमणको कारण मृत्यु हुनेको संख्या ४ लाख २० हजार ५५१ पुगेको छ ।
समाचार एजेन्सी
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन