पर्सा, १७ असोज । पर्सा जिल्लाको जगरनाथपुर गाउँपालिकामा चोरीको घटनालाई लुकाउन महिलाको हत्या गरेको खुलासा भएका छन् ।
गत असोज २ गते जगरनाथपुर गाउँपालिका वडा नम्वर ५ मसिहानीका ५६ बर्षिया कान्ति देवी बिनको हत्या भएपछि प्रहरीले अनुसन्धान गर्दै जाँदा चोरीको घटना सार्वजनिक हुने डरबाट महिलाको हत्या गरिएको प्रहरीको अनुसन्धान पछि खुलासा भएका हुन् ।
मृतक महिलाको साख्खैं जेठाजुद्वय ५९ वर्षीय चन्द्रिका राउत, ५७ वर्ष अमिरिका राउत बिन बिन र स्थानीय ३६ वर्षीय लालबाबु राउत बिन पक्राउ परेपछि उक्त कुरा खुलेका छन् ।
पर्सा सदरमुकाम वीरगञ्ज स्थित जिल्ला प्रहरी कार्यालय परिसरमा मङ्गलवार भएको पत्रकार सम्मेलनमा पर्सा प्रहरीले उनीहरूलाई सार्वजनिक गरेको छ । एक्लै बस्दै आएकी कान्तिदेवी सँग रहेको दुई लाख ५० हजार रुपैयाँ चोर्ने नियतले घरमा प्रवेश गरेका तिनै जनाले उनको टाउकोमा धारिलो हतियार प्रहार गरी बेहोस बनाएर घाँटी रेटी हत्या गरेको प्रहरीले बताए ।
कान्तिका श्रीमानको १० वर्षअघि मृत्यु भइसकेको छ भने दुई छोराहरू कामको सिलसिलामा बाहिर बस्दै आएका थिए । तिन जना छोरीहरू समेत विवाह गरेर अन्यत्र बस्दै आएकी छन् ।
पर्सा प्रहरीका प्रमुख कोमल विक्रम शाहका अनुसार असोज १ गते मध्यरातमा चन्द्रिका, अमेरिका र लालबाबु मृतक कान्तिको फुसको घरमा चोरी गर्न भित्ता फुटालेर (सुरुङ खनेर) प्रवेश गरेका थिए । उनीहरू प्रवेश गरेको आवाज सुनेपछि घरमै सुतिरहेकी कान्ति ब्युँझिइन । कान्तिदेवी ब्युँझिएपछि उनीहरूबिच विवाद सुरु भयो । त्यही क्रममा होहल्ला भएपछि एक जनाले कान्तिदेवीको टाउकोमा धारिलो हतियारले प्रहार गरेर उनलाई बेहोस बनाए ।
‘कान्तिदेवी बेहोस भए पनि आफ्नो पहिचान खुल्ने डरले सिरानीबाट उनको मुख थुनेर खुर्पी (धारिलो हतियार) ले घाँटी रेटेर हत्या गरेको,’ एसपी शाहले भने । पक्राउ परेका मध्ये लालबाबुले प्रहरीलाई बयान दिने क्रममा कान्तिको हत्या गरेको स्वीकार समेत गरेका छन् ।
मृतकका एक्ला छोरा अर्जुन मुखिया बिन वैदेशिक रोजगारको सिलसिलामा मलेसियामा रहेको हुँदा नारायणी अस्पतालमा पोस्टमार्टम पश्चात् कान्तिको शव अहिले पक्राउ परेका जेठाजु चन्द्रिकाले नै बुझेर लगि दाहसंस्कार समेत गरेको एसपी शाहले बताए ।
आमाको मृत्युको खबर पाएर घर फर्किएका मृतक कान्तिका छोरा अर्जुनले असोज ७ गते प्रहरीमा किटानी जाहेरी दिएपछि सोही दिन प्रहरीले लालबाबुलाई पक्राउ गरिएको थियो । लालबाबु पक्राउ परेपछि उनले दिएको बयानको आधारमा चन्द्रिका र अमिरिका बिन पनिलाई असोज १४ गते पक्राउ गरिएको थियो ।
श्रोतः यात्राडेली
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन