सप्तरी, २१ मंसिर । सप्तरी जिल्लाको राजविराजमा राष्ट्रिय एकता अभियानको जिल्ला सम्मेलन सम्पन्न भएको छ ।
सम्पन्न भएको जिल्ला अधिवेशनमा अभियानले संघिय हिन्दु गणतन्त्रको स्थापना, चिनियाँ विस्तारवाद र इस्लामिक अतिवाद विरुद्ध जनचेतना जगाउदै अघि बढ्ने जिल्ला सम्मेलनले निष्कर्ष निकालेको हो ।
सम्मेलन पार्थव सरकारको अध्यक्षतामा भएको थियो भने प्रमुख अतिथिमा राष्ट्रिय अध्यक्ष विनयकुमार यादवको उपस्थितिमा जिल्ला सम्मेलन सम्पन्न भएको जनाइएको छ । अभियानका वरिष्ठ नेता बीपी यादव, नेपाली काङ्ग्रेसका जिल्ला उपाध्यक्ष रामकुमार यादव, पूर्व उपमेयर मीना चौधरी, कथाकार पण्डित रामकुमार शास्त्री, श्रीमती सर्वेश्वरी झा, हिन्दू नेता अरविन्द साह र डा चिरञ्जीवीलाल देव लगायतको शिर्ष व्यत्तित्वहरुको उपस्थिति थियो ।
नेपालमा हिन्दू गणतन्त्र स्थापना गर्न अभियानले सशक्त रुपमा आफनो मागलाई आन्दोलनको माध्यमबाट उठाइरहेका छन् । सम्मेलनमा हिन्दू धर्मको महत्व र नेपालको राष्ट्रिय पहिचानमा यसको भूमिकाबारे प्रकाश पारिएको थियो । अभियानले चीनको बढ्दो क्षेत्रीय अतिक्रमण र इस्लामिक कट्टरपन्थी विरुद्ध निरन्तर आवाज उठाइरहेको छ । सम्मेलनमा यस्ता खतराका बारेमा जनचेतना जगाउने र त्यसको सामना गर्ने रणनीति बनाउने विषयमा छलफल भएको थियो ।
सम्मेलनमा पार्थव सरकारको अध्यक्षतामा ११ सदस्यीय जिल्ला तदर्थ समिति पनि गठन गरिएको छ । समितिको मुख्य उद्देश्य सप्तरी जिल्लामा अभियानको आदर्शको प्रचारप्रसार र सङ्गठनलाई बलियो बनाउनु हुनेछ ।
सम्मेलनको समापनमा अभियानका राष्ट्रिय अध्यक्ष विनय यादवले “अभियानको मुख्य उद्देश्य नेपालको अखण्डता, संस्कृति र स्वाधीनताको रक्षा गर्न प्रतिबद्ध संस्था हो, हामी समृद्ध र शक्तिशाली हिन्दू राष्ट्र निर्माण गर्न अथक प्रयास गरिरहेका छौं, र जारी रहने छ । कुनै पनि विदेशी शक्तिलाई हाम्रो देशभित्र चलखेल गर्ने मौका दिने छैनौं त्यसको निरन्तर विरोध प्रदर्शन जारी रहने बताए ।”


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन