रौतहट, २५ मंसिर । पछिल्ला समयमा रौतहट जिल्लामा अपराधको घटनामा निकै वृद्धि हुँदै गएको छ ।
जसको ज्वलन्त उदाहरण रौतहटको मौलापुर नगरपालिकाको मौलापुर बजारमा प्रहरी बिट नजिकै मोबाइल पसल चोरी भएपछि स्थानिय आक्रोशित भएको हो ।
आईतवार राति इलाका प्रहरी कार्यालय देखि २ सय मिटरको दुरीमा रहेका पसलमा चोरी भएको छ । पसलमा चोरी भएको विषयलाई लिएर पीडित संग स्थानीय बासिन्दाहरु आक्रोशित बनेका व्यापारीहरुले आईटी चौकमा टायर बालेर प्रहरी प्रशासन विरुद्ध प्रदर्शन गरेका छन ।
पसलमा चोरी गर्ने चोर समुहलाई अविलम्ब पक्राउ गरी कारबाही गर्न उनीहरूले माग गरेका छन् । मौलापुर नगरपालिका वडा नम्वर ५ स्थित आईटी चौकमा रहेको लक्ष्मी ट्रेडर्स हब मोबाइल पसलबाट १६ लाख बराबरको समान चोरी भएको पीडितले बताए ।
पसलको सटरमा लगाएको ताला फुटाएर चोरी भएको सञ्चालक धीरज पटेलले जानकारी दिए । चोर समुहले स्मार्ट फोन ३० थान, स्मार्ट एलईडी ४३ इन्च ६ थान, किप्याड मोबाइल ४० थान, राईस कुकर ५ थान, आइरन ४ थान, ल्यापटप १ थान, आईफोन १ थान लगायत अन्य समानहरु चोरी भएको संचालक पटेलले बताए ।
घटनाको बिषयमा इलाका प्रहरी कार्यालय मौलापुरका प्रहरी निरिक्षक कुशल बर्तौलाले अनुसन्धान भइरहेको जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन