काठमाडौं, एजेन्सी । नेपालका लागि भारतका नियोग उपप्रमुख प्रसन्न श्रीवास्तव र नेपालका संसदीय मन्त्री नारायण खड्काले उदयपुर जिल्लाको बलेका नगरपालिका स्थित जनता बेलाका माविको विद्यालय भवनको शिलान्यास गरेका छन् ।
नेपालको उदयपुर जिल्लामा विद्यालय भवनको शिलान्यास गरिएको दूतावास भारतीय दूताबासबाट जारी गरिएको विज्ञप्तीमा उल्लेख गरिएका हुन् ।
‘नेपाल–भारत विकास सहयोग’ अन्तर्गत रु ३.७९ करोड (२८६ हजार अमेरिकी डलर) को टेन्डर लागतमा भारत सरकारको आर्थिक सहयोगमा विद्यालय निर्माण भइरहेको दूतावासले जनाएको छ ।
शिलान्यास कार्यक्रममा जनप्रतिनिधि, सरकारी कर्मचारी, समाजसेवी, विद्यालय व्यवस्थापनका प्रतिनिधि, शिक्षक, अभिभावक तथा विद्यार्थीहरुको समेत उपस्थिति रहेको थियो ।
विज्ञप्तिमा भनिएको छ, “नेपाल–भारत विकास सहयोग अन्तर्गत भारत सरकारको अनुदान यस विद्यालयका लागि आवश्यक कक्षा कोठा र अन्य पूर्वाधार सुविधा सहितको तीन तले विद्यालय भवन निर्माणमा उपयोग गरिनेछ । भारत सरकार र नेपाल सरकारबीच भएको सम्झौता अनुसार यो परियोजना उच्च प्रभाव सामुदायिक विकास परियोजना (एचआईसीडीपी) को रूपमा अघि बढिरहेको छ, जसलाई पहिले साना विकास परियोजनाहरू भनेर चिनिन्थ्यो । यो आयोजना उदयपुरको बेलका नगरपालिका मार्फत कार्यान्वयन भइरहेको छ ।
कार्यक्रमलाई सम्बोधन गर्दै नेपालका संसदीय मन्त्री नारायण खड्काले नेपालका जनताको उत्थानका लागि प्राथमिकताका क्षेत्रमा भारत सरकारको निरन्तर विकास सहयोगको प्रशंसा गरे ।
काठमाडौं स्थित भारतीय दूतावासका डेपुटी प्रमुख प्रसन्न श्रीवास्तवले यो परियोजना भारत र नेपालबीचको अत्यन्त सुदृढ विकास साझेदारीको एउटा महत्वपूर्ण हिस्सा भएको बताए, जसले हालैका वर्षहरूमा सरकारका विभिन्न प्राथमिकताका क्षेत्रहरूमा फराकिलो प्रगति गरेको छ ।
उनले दुवै देशका जनताको पारस्परिक हितका लागि नेपाल सरकारको प्राथमिकता अनुसार यो विकास साझेदारीलाई सुदृढ गर्न भारत सरकारको निरन्तर प्रतिबद्धता व्यक्त गरे । उनले गत महिना नेपालमा एचआईसीडीपी कार्यान्वयनको २० वर्ष सफल भएको पनि प्रकाश पारे ।
यस विद्यालयको भवन निर्माण सम्पन्न भएपछि यस नयाँ पूर्वाधारले श्री जनता बेलका माविका विद्यार्थीलाई राम्रो शिक्षा सुविधा उपलब्ध गराउन मद्दत गर्नुका साथै यस क्षेत्रमा शिक्षाको विकासमा टेवा पुग्ने विज्ञप्तिमा उल्लेख छ ।
विज्ञप्तिमा भनिएको छ, “सन् २००३ देखि भारतले नेपालमा विभिन्न क्षेत्रमा ५५० भन्दा बढी एचआईसीडीपीहरू लिएको छ र ४८८ परियोजनाहरू पूरा गरेको छ । जसमध्ये कोशी प्रदेशमा ८४ आयोजना छन् जसमा उदयपुरका ११ वटा आयोजना संचालनमा रहेका छन् । यसका साथै भारत सरकारले भारतको स्वतन्त्रता दिवस र गणतन्त्र दिवसको अवसरमा नेपालका विभिन्न अस्पताल, स्वास्थ्य चौकी र शैक्षिक संस्थालाई ९७४ एम्बुलेन्स र २३४ वटा स्कूल बस उपहार दिएको छ । जसमध्ये कोशी प्रदेशमा १ सय ४१ एम्बुलेन्स र ३५ वटा स्कुल बस उपहार दिइएको छ जसमा उदयपुर जिल्लामा १२ वटा एम्बुलेन्स र १ स्कुल बस रहेको छ ।
निकट छिमेकी भएको नाताले भारत र नेपालले व्यापक र बहुक्षेत्रीय सहयोग साझा गरेका छन् । एचआईसीडीपीहरूको कार्यान्वयनले नेपालमा आफ्ना जनताको उत्थानमा नेपाल सरकारको प्रयासलाई बलियो बनाउन, प्राथमिकताका क्षेत्रमा विशेषगरी शिक्षा क्षेत्रमा पूर्वाधार विस्तार गर्न भारत सरकारको निरन्तर सहयोगलाई झल्काउँछ, दूतावासले भन्यो ।
श्रोतः एएनआई
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन