रौतहट, ६ पुस । सशस्त्र प्रहरीले रौतहटको विभिन्न स्थानहरुबाट राजस्व छलेर नेपाल भित्रयाइएको करिव २८ लाख मूल्य बराबरको कपडा बरामद गरेका छन् ।
अबैध कारोवार गर्नमा पल्किएका कारोवारीहरुले चोरनाकाहरुबाट नेपाल भित्रयाइएका सामानहरुलाई देशको विभिन्न स्थानहरुमा पठाउने क्रममा विहिवार साँझ रौतहटको चन्द्रपुर नगरपालिका ९ चेतनगर स्थित एउटा घरमा भण्डारण गरिएका १३ लाख ४१ हजार ४२० रुपैया मूल्य बराबरको कपडा बरामद गरेको सशस्त्र सिमा सुरक्षा बल नेपाल ११ नम्वर गण रौतहटले जनाएका हुन् ।
विशेष सूचनाको आधारमा सशस्त्र सुरक्षा बेस सन्तपुर र जिल्ला भन्सार कार्यालय गौरबाट खटिएको संयुक्त टोलीले बेवारिसे अवस्थामा १२ बोरा विभिन्न किसिमका लत्ताकपडा बरामद गरेको बताइएको छ । त्यस्तै दुईदिन अघि सशस्त्र प्रहरी बल नेपाल ११ गण हेड क्वाटर रौतहटले १५ लाख बढीको अवैध लत्ताकपडाहरू बरामद गरेको थियो ।
विशेष सूचनाको आधारमा गण बाट गएको टोलीले बौधिमाई नगरपालिका ७ स्थित रौतहट बाराको सिमानामा रहेको अरुवा खोला पुल नजिकै टहरामा बेवारिसे अवस्थामा रहेको उक्त कपडा बरामद गरेको एसपी माधव रेग्मीले बताए ।
बरामद लत्ताकपडाहरू राजश्व अनुसन्धान कार्यालय पथलैया र जिल्ला भन्सार कार्यालय गौरमा बुझाइएको छ ।
सशस्त्र प्रहरीले सीमानाकाहरुबाट हुने राजस्व छलीलाई सुक्ष्म रुपमा निगरानी बढाएर नियन्त्रणको प्रयास गरिरहेको छ । हरेक स्थानमा प्रहरी उपस्थित हुन नसक्ने भएपनि समयमा नै खवर भएपछि यस्ता अवाञ्छित कार्यहरुलाई निरुत्साहित गर्न सकिने एसपी रेग्मीले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन