रौतहट, ९ पुस । कोभिड–१९ जस्तो भयाभय महामारीको नयाँ भेरियन्ट ‘जेएन.१’ भारतमा भेटिएका छन् ।
कोभिड–१९ जस्तो भयाभय महामारीको नयाँ भेरियन्ट ‘जेएन.१’ इन्फ्लुएन्जाको सङ्क्रमण बढिरहेको भन्दै विश्व स्वास्थ्य सङ्गठन (डब्लूएचओ) ले चिन्ता व्यक्त गर्दै सतर्कता अपनाउन आग्रह गरेका हुन् ।
दक्षिण पूर्वी एसियाली देशहरूमा यसको सङ्क्रमणका कारण श्वासप्रश्वास सम्बन्धी रोगहरू बढिरहेको भन्दै डब्लूएचओले त्यस्तो सङ्क्रमणबारे सजग रहन र सुरक्षाका उपायहरू अपनाउन आग्रह गरेको छ ।
डब्लूएचओले भनेको छ, ‘कोभिडको नयाँ भेरियन्ट फैलिँदो छ, सतर्कता अपनाउनु पर्छ ।’ कोभिड–१९ भाइरस विश्वव्यापी रूपमा फैलिइरहेको छ । अध्ययन अनुसार यसको नयाँ भेरियन्टको ‘जेएन.१’ बाट जोखिम कम हुने आकलन गरिएको छ । तर सङ्क्रमणबाट बच्नका लागि नियमित रुपमा निगरानी र सतर्कता अपनाउन आवश्यक रहेको डब्लूएचओका दक्षिण पूर्वी एसिया क्षेत्रीय निर्देशक डा. पुनम क्षेत्रपाल सिंहले बताए ।
उनका अनुसार डब्लुएचओले प्राप्त गरेको तथ्याङ्कमा ‘जेएन.१’ फैलिने दर उच्च छ, र विश्वव्यापी बढ्दो दरमा छ । विशेष गरी यति बेला जाडो मौसम हुने देशहरूमा अन्य भाइरल र ब्याक्टेरियाको सङ्क्रमणका हुने र त्यही बिचमा कोभिड–१९ ले पनि सङ्क्रमण गर्न सक्ने डब्लूएचओको अनुमान गरिएको छ ।
‘चिसोका कारण विभिन्न समस्याहरू देखिन सक्छन् । त्यस कारण सामान्य अस्वस्थता हुने बित्तिकै चिकित्सकको सल्लाह लिइहाल्न उपयुक्त हुन्छ,’ डा. क्षेत्रपाल सिंहले भने । कोभिडको नयाँ भेरियन्ट ‘जेएन.१’ भारतमा पुष्टि भइसकेको छ । तर नेपालमा भने अहिलेसम्म यसको सङ्क्रमण पुष्टि भइसकेको छैनन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन